Demodex canis

Demodex canis é unha especie de ácaros que vive predominantemente sobre os cans domésticos, pero que pode infestar ocasionalmente aos humanos. Na maioría das infestacións no can os ácaros actúan como comensais inofensivos e subclínicos, pero poden ás veces orixinar unha condición chamada sarna por Demodex.

Debido a que o hábitat dos ácaros é profundo da derme da pel, a transmisión ocorre xeralmente só por medio dun contacto prolongado directo, como a transmisión desde a cadela aos cadelos fillos durante a lactación. Como resultado, os sitios máis comúns para a aparición inicial das lesións demodicódicas son a faciana, fociño, membros anteriores e rexións periorbitais. A demodicose en cans pode manifestarse en forma de lesiós de dous tipos: escamosas, que causan alopecia seca e engrosamento da pel, e pustular, que é a forma máis grave, causando infeccións secundarias (xeralmente por Staphylococcus) que dan lugar ás características pústulas vermellas numerosas e engurras da pel.

A escalada desde unha infestación de tipo comensal de D. canis a outra que requira atención veterinaria xeralmente implica complexos factores inmunes. A demodicose pode aparecer despois de situacións ou tratamentos inmunosupresores ou pode estar relacionada cunha deficiencia xenética. Isto é complicado porque se cre que Demodex suprime a resposta normal dos linfocitos T. Ademais, certas razas de cans, como os dálmatas, o buldog americano e o pit buill terrier americano, parecen ser máis susceptibles.

Aínda que o tratmento directo dos casos graves pode facese por administración oral de ivermectina ao 1% en razas tolerantes á ivermectina (a dose xeral é 0,3–0,6 mg/kg, oral, unha soa vez, ata 2 raspados da pel negativos separados 1 mes), outras razas poden ser tratadas con éxito aplicándolles os fármacos antiparasitarios amitraz na pel, xunto cunha mellora da nutrición e tratar nas posibles enfermidades supresoras do sistema inmnitario. Entre as preparacións comerciais eficaces están: fipronil, amitraz, e (S)-methoprene. As infeccións bacterianas asociadas coa demodicose pustular poden requirir o tratamento con antibióticos.