Comensalismo
Comensalismo (do latín com mensa, 'compartindo a mesa') é unha relación interespecífica entre seres vivos na que un deles sae beneficiado, mentres que o outro nin se beneficia nin se prexudica.
Índice |
[editar] Tipos de comensalismo
[editar] Comensalismo
O propio termo foi utilizado orixinalmente para describir o uso de restos de comida por parte dun segundo animal, coma no caso dos que seguen aos animais de caza e agardan a que estes rematen de comer para aproveitar a carniza.
[editar] Forese
Cando un ser vivo se aproveita doutro para o transporte. Pode ser de carácter temporal ou permanente.
Son exemplos a rémora, que se aproveita da quenlla, ou algúns ácaros, que son transportados sobre os excrementos de insectos.
[editar] Inquilinismo
Cando un organismo se hospeda no interior doutro. Son exemplos as plantas parasitas que viven sobre as árbores como algunhas orquídeas, ou aves coma o peto real, que habita nos buracos que el mesmo fai nas árbores.
[editar] Facilitación
Cando unha especie se beneficia de medrar xunto a outra. Nalgúns casos poden saír beneficiadas ambas as dúas especies.
[editar] Tanatocrese
A tanatocrese (do latín tanatos, 'morte'), tamén coñecida coma comensalismo metabiótico, é unha dependencia máis indirecta, na que un dos organismos usa algo do outro, mais faino tras a súa morte. É exemplo disto o caranguexo ermitaño, que usa a cuncha dun molusco para defender o seu corpo.
