Declaración de Xenebra (medicina)
Na Galipedia, a Wikipedia en galego.
 |
Este artigo é orfo, xa que carece doutros artigos que apunten cara a el. Por favor, engada ligazóns a esta páxina desde outros artigos relacionados con este. |
- Para outras páxinas con títulos homónimos véxase: Declaración de Xenebra.
A Declaración de Xenebra é un texto alternativo ao xuramento hipocrático proposto pola Asemblea Xeral da Asociación Médica Mundial realizada en setembro de 1948. Toma o seu nome da sede na que se realizou a reunión, a cidade de Xenebra, Suíza.
O texto ten como finalidade principal a de crear un novo documento que cumpra a función que tivo o texto hipocrático no momento da súa creación, a de crear unha base moral para todos os médicos, sobre todo considerando a experiencia da II Guerra Mundial. Pese á súa pretensión de ser un texto internacionalmente aceptado, o certo é que esta Declaración tivo relativamente pouca repercusión pública. O texto foi emendado en 1986, 1983 e 1994, e revisado en 2005 e 2006.
