David Letterman

Na Galipedia, a Wikipedia en galego.
David Letterman

David Letterman, nado o 12 de abril de 1947 en Indianapolis, é un humorista, presentador e produtor de televisión [1] estadounidense.

Traxectoria[editar | editar a fonte]

Estudou na Ball State University onde se diplomou no departamento de radio e televisión en 1969 e foi na radio desa universidade onde comezou a súa carreira como comunicador. Presentador do talk show nocturno, Late Show with David Letterman na CBS onde recibe a personalidades famosas do mundo do cinema, a música e os deportes. Letterman é unha figura da televisión nocturna norteamericana desde 1982 cando comezou a presentar Late Night with David Letterman na NBC cun humor irónico e un tanto absurdo, tan só o seu mentor e amigo Johnny Carson ten unha carreira máis longa como presentador desa clase de programas. Letterman é tamén produtor de televisión, a súa empresa Worldwide Pants produce o seu programa así como o programa que lle segue The Late Late Show with Craig Ferguson. Worldwide Pants ademais tamén produce varias comedias que se emiten no horario de máxima audiencia, a de máis éxito foi Everybody Loves Raymond, que desde que rematou en 2005 segue a se emitir nos Estados Unidos en sindicación.

Letterman é propietario do equipo do equipo de automobilismo Rahal Letterman Racing

Notas[editar | editar a fonte]