Cuartil

Na Galipedia, a Wikipedia en galego.

En estatística os cuartís dun conxunto ordenado de datos son os tres puntos que dividen os datos en catro grupos iguais, cada un deles formado pola cuarta parte dos datos.

Definicións[editar | editar a fonte]

Diagrama cos cuartís e o percorrido intercuartílico dunha normal N(0,1σ2)

Considéranse tres cuartís:

  • O primeiro cuartil (Q1) ou cuartil inferior deixa por baixo del o 25% dos datos. Coincide co percentil 25.
  • O segundo cuartil (Q2) é a mediana, que divide os datos en dúas partes.
  • O terceriro cuartil (Q3) ou cuartil superior deixa por baixo o 75% dos datos. Coincide co percentil 75.

Chámase percorrido intercuartílico á diferenza entre os cuartís superior e inferior (Q3 - Q1).

Valores anómalos[editar | editar a fonte]

Existen métodos na estatística e na análise estatística para buscar datos anómalos. No caso dos cuartís o percorrido intercuartílico pode empregarse para caracterizar eses datos.

Tras determinar o primeiro e o terceiro cuartil ademais do percorrido intercuartílico (IQR) calculamos os seguintes valores:

\text{Extremo inferior} = Q_1 - 1.5(\mathrm{IQR}) \,
\text{Extremo superior} = Q_3 + 1.5(\mathrm{IQR}) \,

e poden considerarse valores anómalos os que están fóra deste intervalo.

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]