Cornelis Bega

Na Galipedia, a Wikipedia en galego.
Autorretrato

Cornelis Bega, nado en Haarlem o 15 de novembro de 1620 e finado o 27 de agosto de 1664, foi un pintor e gravador holandés pertencente á Escola Holandesa.

Traxectoria[editar | editar a fonte]

A súa nai era filla do pintor Cornelis van Haarlem e foi discípulo de Adriaen van Ostade. En 1653 e 1654 viaxou en compañía doutros pintores por Alemaña, Suíza e Austria e en 1654 o gremio de San Lucas, o dos pintores, de Haarlem admitiuno no seu seo. Nas súas obras repite cun estilo máis duro e escuro os temas do seu mestre. A partir de 1660 a súa pintura faise máis colorista, concentrándose máis nos detalles e na expresión. Retratou escenas da vida cotiá xeralmente da xente máis humilde cun toque humorísitico:"Músicos ambulantes" (Museo de Haarlem), Interior rústico ([Louvre]]), Cativa compañía ( Museo de Frankfurt). O estilo dos seus gravados foi deseguido reproducido por moitos escultores holandeses.

Galería de imaxes[editar | editar a fonte]