Casa da igrexa Ruchill

Na Galipedia, a Wikipedia en galego.
A Casa está ao carón da torre da igrexa. Ao fondo atópase unha fábrica, do outro lado da canle.
Fachada que dá á rúa.
Ao sur da Casa hai un edificio axuliar, xusto no cruzamento con Maryhill Road.

A Casa da Igrexa Ruchill, en inglés Ruchill Church Hall, é un edificio deseñado polo arquitecto glesca Charles Rennie Mackintosh como unha casa de traballo para a Igrexa Libre de Escocia, e que se rematou en 1899. Atópase no número 15/17 da rúa Shakespeare Street, unha perpendicular a Maryhill Road, en Glasgow, Escocia, preto da ponte que leva pola rúa Ruchill Street ata o bairro de Ruchill, cruzando a canle do Forth e do Clyde, e próxima a unha área comercial na rúa principal. A igrexa que está ao lado ergueuse máis tarde, da man doutro arquitecto.

O edificio ten dous salóns e dúas salas de xuntanza. O salón principal ten unha divisoria pregable que permite facer unha separación. Na actualidade ségueno usando os fregueses da parroquia, e ábrese a diario para darlle servizo á comunidade. Tamén abre o 'Salón de Té Mackintosh', onde se lles ofrecen tés e algo para comer aos visitantes.

Descrición do interior[editar | editar a fonte]

Se se entra pola rúa Shakespeare Street, hai unha sala de xuntanza á dereita, mentres que á esquerda un corredor leva, logo dun lavabo protexido cun biombo, a unha porta que abre sobre o oco da escaleira. Logo a man esquerda hai unha pequena cociña e despensa, e se segue de fronte dende a porta principal dáse a unhas portas que abren nun recanto do salón grande. Á dereita hai un longo entrante separado, como xa dixemos, da parte principal cunha divisoria encartable e corrediza de paneis de cristal, onde se insertan as características vidreiras de Mackintosh.

A escaleira sobe ata un corredor estreito, pasa por diante dos servizos, situados sobre a cociña, e abre sobre unha sala de xuntanza xusto por riba da do primeiro andar, ao igual que a un salón que se atopa xusto por riba do salón principal. Estes dous cuartos están separados tamén por unha divisoria encartabe, que se pode abrir para formar un espazo rectangular. As trabes do tellado están á vista tanto na sala de xuntanzas coma no salón, con lámpadas, e as caídas teñen unha forma peculiar.

Salón de té no salón principal.


Additional pictures[editar | editar a fonte]