Calcopirita
| Calcopirita | |
|---|---|
 |
|
| Fórmula química: | CuFeS2 |
| Clase: | Sulfuros |
| Subclase: | |
| Sistema cristalino: | Tetragonal |
| Cor: | Amarela latón |
| Brillo: | Metálico |
| Dureza: | 3,5-4 |
| Fractura: | Concoidea ou irregular |
| Exfoliación: | Pouco marcada |
| Raia: | Verde escura |
| Densidade: | 4,3 g/cm3 |
A calcopirita ou pirita de cobre (do grego khalkós pyrósé, cobre de lume) é un mineral da clase dos sulfuros cuxa fórmula química é CuFeS2 (34,6% de cobre, 30,4% de ferro e 35% de xofre).
Índice |
Aspecto [editar]
Moi parecida á pirita, diferénciase desta pola súa menor dureza e pola escasa proliferación na súa forma cristalizada. A súa cor amarela latón nas superficies recentes é porén case idéntica á da pirita.
As superficies antigas son alteradas con facilidade co paso do tempo polos axentes físicos (a auga, por exemplo), dando lugar a patinas irisadas de cores azulada, violeta e verdosa.
Os grans pequenos son facilmente confundibles co ouro para un observador pouco experimentado.
Lugares onde se atopa [editar]
A calcopirita atópase en depósitos hidrotermales e en zonas magmáticas e metamórficas de contacto.
Usos da calcopirita [editar]
O seu alto contido en cobre fai da calcopirita unha fonte moi importante deste elemento que se usa despois na industia eléctrica e química.
Outros sulfuros [editar]
Outros minerais nos que a presenza de xofre é destacada son:
A marcasita, a arsenopirita, a pirita, a pirrotina, a galena e o cinabrio.
