Calandreta

Na Galipedia, a Wikipedia en galego.

As calandretas son escolas bilingües en occitano e en francés, cun estatuto privado e asociativo. Naceron en 1979 en Pau (Occitania) inspirándose na lei Deixona (lei 51-46 de 11 de xaneiro de 1951), que regula o ensino das "linguas e dialectos" de Francia.

Segundo datos de 2006, as calandretas tiñan escolarizados naquela altura a preto de 1.700 estudantes en 37 centros educativos de primaria e dous colexios.

A pesar de que non se integran na Educación Nacional, o servizo público de ensino francés, obtiveron un convenio co Ministerio de Educación, polo que respectan os programas oficiais de ensino.