Black Hawk Down

Black Hawk Down
Título orixinal	Black Hawk Down
[[Ficheiro:{{{imaxe}}}|200px| ]]
Ficha técnica
Director	Ridley Scott
Produtor
Guión	Ken Nolan Baseado na novela Black Hawk Down (1999) de Mark Bowden
Baseado en	{{{baseado}}}
Intérpretes	Josh Hartnett Eric Bana Ewan McGregor Tom Sizemore William Fichtner Sam Shepard Hugh Dancy Jason Isaacs Orlando Bloom
Música
Fotografía	Slawomir Idziak
Montaxe	Pietro Scalia
Estudio	{{{estudio}}}
Distribuidor	Sony Pictures Columbia Pictures
Ano	2001
Duración	144 min.
País	Estados Unidos
Xénero
Orzamento	90 millón de dólares
Filme anterior	{{{anterior}}}
Filme seguinte	{{{seguinte}}}
Ficha en IMDb

Black Hawk Down é unha película estadounidense de 2001 gañadora de 2 premios Óscar, mellor son e mellor montaxe, dun total de 4 participacións. Foi dirixida por Ridley Scott e escrita por Ken Nolan. O argumento está baseado no libro homónimo de Mark Bowden que narra o feito real acontecido durante unha misión estadounidense de pacificación, con mandato da ONU, en Somalia, en 1993.

Argumento

Durante outubro de 1993, soldados estadounidenses de elite, Rangers e Delta Force son enviados a Mogadiscio, Somalia, como parte dunha operación de paz das Nacións Unidas: os cargamentos de alimentos enviados pola ONU son sistematicamente roubados polas milicias dos señores da guerra, notablemente Mohamed Farrah Aidid, o máis poderoso, que non dubidan en ametrallar a inocentes civís para conseguilo. O xeneral William F. Garrison (EEUU) está ao mando da operación que, segundo os seus asesores, non debería levar máis aló de dúas semanas, mais os final tarda máis tempo do debido, polo que Washington impaciéntase. Entón establécese unha nova misión, levada a cabo polas forzas Rangers e Delta dos Estados Unidos. O obxectivo é capturar a un grupo de guerrilleiros liderados por Aidid que promoven o estado de anarquía e con eles como reféns, negociar o fin da guerra civil. Cando empeza a misión todo parece ir ben; un grupo de helicópteros UH-60 Black Hawk e OH-6 Little Bird con membros dos Delta Force e dos Rangers abordo diríxese a Mogadiscio, nun aparente estado de calma. Un espía infiltrado sobre o terreo indica onde se reúnen os personaxes a capturar. Pero a guerra urbana é un escenario complexo onde os helicópteros son gravemente vulnerables ao fogo desde edificios, especialmente ás granadas autopropulsadas (RPG).

Cando un dos soldados Rangers cae dun helicóptero, comezan seriamente os problemas. Un dos rebeldes logra impactar a un Black Hawk e derrúbao, outro dos helicópteros que acode ao rescate tamén é impactado. Con dous helicópteros derribados, a misión convértese nunha misión de rescate. É un escenario inesperado que se abre nun momento de graves problemas, xa que as milicias non só están ben armadas, senón que se confunden entre as masas de persoas. Soldados da ONU de Malasia, Paquistán e EUA entran por terra ante a gravidade da situación. Vulnerables tamén ás granadas autopropulsadas e aos AK-47 das milicias, pronto se encontrarán con feridos e falecidos entre as súas filas.

Ao final convértese a misión nunha desesperada carreira contra reloxo para rescatar aos caidos, atrapados e feridos nunha cidade que se converteu en zona de combate mortal. Lograrán finalmente conducir os superviventes cara a salvación. Esgotados e feridos, son recibidos á entrada da zona segura (un estadio deportivo) por pícaros rindo que corren e xogan, paquistanís amables con bandexas de té e auga. As ráfagas dos AK-47 aínda soan tras eles.

Reparto

Actor	Personaxe
Josh Hartnett	Sarxento Matt Eversmann
Ewan McGregor	John 'Grimsey' Grimes
Tom Sizemore	Tenente Coronel Danny McKnight
William Fichtner	Sarxento Jeff Sanderson
Eric Bana	Sarxento Norm 'Hoot' Hooten
Sam Shepard	Xeneral Willian F. Garrison
Orlando Bloom	Todd Blackburn
Ron Eldard	Michael 'Mike' Durant
Tom Guiry	Sarxento Ed Yurek
Hugh Dancy	Kurt Schmid
Charlie Hofheimer	Cabo Jaime Smith
Brian van Holt	Sarxento Jeff Struecker
Jason Isaacs	Capitán Mike Steele
Nikolaj Coster-Waldau	Gary Gordon

Galardóns

Premios Óscar

Ano	Categoría	Receptor(es)	Resultado
2001	Mellor montaje	Pietro Scalia	Gañador
2001	Mellor son	Michael Minkler Myron Nettinga Chris Munro	Gañadores
2001	Mellor director	Ridley Scott	Nominado
2001	Mellor fotografía	Slawomir Idziak	Nominado

Premios BAFTA

Ano	Categoría	Receptor(es)	Resultado
2001	Mellor montaxe	Pietro Scalia	Nominado
2001	Mellor fotografía	Slawomir Idziak	Nominado
2001	Mellor son	Chris Munro Per Hallberg Michael Minkler Myron Nettinga Karen M. Baker	Nominados

Véxase tamén

Ligazóns externas

• Tráiler Black Hawk derribado en HD