Autonomía

Na Galipedia, a Wikipedia en galego.

Co termo autonomía podemos referirnos a:

  • A autonomía é un concepto da filosofía e a psicoloxía evolutiva que expresa a capacidade para darse normas a un mesmo sen influencia de presións externas ou internas. Oponse á heteronomía.
  • A palabra autonomía úsase como sinónimo de autogoberno de núcleos ou sectores sociais.
  • Sinónimo de autoorganización ou de autodeterminación.
  • O autonomismo, (movementos autónomos ou autonomistas) é unha corrente política dentro do anticapitalismo nacida desde a esquerda política, e nalgúns casos parte das interpretacións dun marxismo libertario, que promove un desenvolvemento democrático e socializante do poder político, a democracia participativa, e unha constante adecuación das estratexias e tácticas ás realidades concretas de cada espazo.
  • A Autonomía obreira é un concepto político da corrente ideolóxica chamada autonomismo.
  • A autonomía é tamén un termo pertencente ó ámbito do Dereito.
  • En España é unha división político-administrativa; ver Comunidades Autónomas.
  • Ademais é a capacidade de valerse por un mesmo. Usado tanto para persoas (relacionado coa discapacidade), como para instrumentos e máquinas.
  • No ámbito da técnica esta capacidade é o tempo que un dispositivo cunha fonte de alimentación independente pode permanecer en activo, ata o esgotamento da fonte de alimentación. Así, un dispositivo eléctrico, como unha lanterna, terá unha autonomía de horas en función da capacidade das súas baterías, e un automóbil poderá percorrer unha certa cantidade de quilómetros sen repostar en función da capacidade do seu depósito de combustible. As melloras na autonomía dos equipos pódense lograr ben incrementando a capacidade da fonte de alimentación, ben aumentando o rendemento e, por tanto, reducindo o consumo do dispositivo.
  • Estación de Autonomía: Estación de liñas C-1 e C-2 de Renfe Cercanías Bilbao.