Anitos

Na Galipedia, a Wikipedia en galego.

Anitos, en grego antigo Ἄνυτος Anutos, nado no século V a.C., era o xefe dos acusadores durante o proceso contra Sócrates.

Traxectoria[editar | editar a fonte]

Era un ateniense rico, pertencente ao partido democrático, participou activamente na caída do goberno oligárquico dos Trinta, opúxose igualmente aos sofistas.

No ano 399 a.C. acusou, xunto co orador Licón e o poeta Meleto, a Sócrates de non crer nos deuses da cidade, introducir novas divindades, corromper á mocidade e apoiar ao tirano Critias. Sócrates foi recoñecido culpable e condenado a beber cicuta. Despois da morte do filósofo fuxiu de Atenas.