Anablépidos
Os Anablépidos (Anablepidae, Garman 1895 [1]) son unha familia de peixes teleósteos da orde dos Ciprinodontiformes (Cyprinodontiformes). Viven en augas doces interiores de zonas tropicais americanas (desde o sur de México ata o sur de Sudamérica) pero pode achegarse ás desembocaduras, soportando augas salobres.
Índice |
[editar] Características
Corpo alargado, algo deprimido no terzo anterior. A cabeza é ancha e aplastada, coa rexión supraorbital avultada. A boca é horizontal e o maxilar algo protráctil.
O trazo más característico son os ollos, grandes e aparentemente divididos en dous: a metade superior emerxe da superficie da auga e permite a visión exterior; a metade inferior permanece somerxida e permite a visión baixo a auga. Esta característica explica a denominación popular de peixes catro ollos.
Unha soa aleta dorsal, que é pequena e redondeada. A aleta anal dos machos está transformada nun órgano subcónico, destinado á copula. Son vivíparos, excepto o xénero Oxyzygonectes, que é ovíparo.
[editar] Clasificación
Divídense en tres xéneros e 9 especies:
- Subfamilia Anablepinae
- Xenero Anableps
- Xenero Jenynsia
- Subfamilia Oxyxygonectinae
- Xenero Oxyzygonectes
[editar] Notas
- ↑ Antes Anablepsidae.
