A Trepa
| A Trepa | |
|---|---|
| |
| Cemiterio no lugar da Trepa. | |
| Diocese: | Ourense |
| Arciprestado | Verín |
| Área: | - km² |
| Poboación: | 214 hab. (2014) |
| Densidade: | - hab./km² |
| Entidades de poboación: | 3 |
Santa María da Trepa é unha parroquia eclesiástica galega do arciprestado de Verín, na diocese de Ourense, que ten as súas terras e os seus lugares repartidos entre dous concellos, o de Riós e o de Vilardevós. En 2014 a súa poboación era de 214 habitantes, dos que 98 eran homes e 116 mulleres.
Dos tres lugares que compoñen a parroquia, as aldeas de San Cristovo e A Trepa pertencen ao concello de Riós, e a de Feilas ao concello de Vilardevós.
Na Trepa celébrase a romaría máis importante[Cómpre referencia] do concello e ata da comarca de Verín. Celebrase o 15 de setembro na honra da Nosa Señora das Dores. En 1777 Pedro González de Ulloa fai mención dela, así como da da igrexa construída a carón do antigo Camiño Real, a actual estrada N-525.
Historia[editar | editar a fonte]
Ata o 6 de outubro de 1951, esta parroquia denominábase Fumaces e A Trepa e estaba formada polos tres lugares desta parroquia máis o lugar de Fumaces. Nesa data, o daquela bispo de Ourense, Francisco Blanco Nájera, fundou a parroquia de Santa María de Fumaces no lugar mencionado.
Galería de imaxes[editar | editar a fonte]
-
Igrexa na Trepa -
Praza de Francisco Gallego na Trepa
