Zenttric
Zenttric | |
---|---|
Zenttric nun concerto en Barcelona. | |
Orixe | Getxo, País Vasco |
Período | 2006 - 2013 |
Xénero(s) | Rock alternativo Rock-pop Indie rock |
Selo(s) discográfico(s) | EMI/Capitol |
Membros | Gutxi Bibang (voz e guitarra) Javi Moe (batería) Iñigo Rozas (baixo) Dani Vicente (guitarra) |
Antigos membros | Mikel Otero (guitarra) Jorge Murillo (baixo) |
Na rede | |
http://zenttricweb.com/ | |
Zenttric é un grupo musical de indie rock que provén de Biscaia. En decembro de 2005 Mikel Otero e Javi Moe comezaron a tocar xuntos, pero non foi ata marzo de 2006, coa chegada de Gutxi Bibang, que a banda tomou forma. En abril dese ano decidiron chamar ó grupo "Zenttric", despois de dar unhas cantas voltas á verba "excéntrico". O primeiro baixista do grupo foi Jorge "Gt" Murillo, baixista de Nice Family Trip e un ano máis tarde chegou Iñigo Rozas que viña do grupo Ehiztari.
Ademais de actuar en concertos por numerosas cidades españolas, deben gran parte do seu éxito ó sitio social MySpace. O 23 de xuño de 2007 chegan un dos intres máis importantes na vida do grupo: convértense en abreconcertos dos Rolling Stones. Fano en Donostia, no estadio de Anoeta. En xaneiro de 2011 Mikel Otero deixa de formar parte do grupo e é substituído por Dani Vicente, guitarrista de Sestao que acababa de chegar de pasar dous anos estudando no Musician Institute dos Ánxeles.
En 2009 medra o seu recoñecemento, ó seren nomeados ós Premios da Música como Mellor Álbum Pop e Artista Revelación, e ós Premios 40 Principales na categoría de Mellor Artista Novo e como Mellor Videoclip polo seu sinxelo "Sólo quiero bailar". Actualmente acaban de lanzar un EP, chamado Tripolar.
Discografía
[editar | editar a fonte]- Zenttric (2009)
- Tripolar (2011)
- 3 (2013)
- Sinxelos
- "Sólo quiero bailar" (2009)
- "Limousine" (2009)
- "Olvídate de mí" (2010)
- "Lady Gaga" (2011)
- "La noche que estuvimos a punto de casarnos" (2011)
- "Modernos que critican a modernos" (2013)