Woods of Ypres foi un grupo de metal extremocanadense con orixe en Ontario. O grupo fundouse en Windsor no ano 2002, composto inicialmente por David Gold, Aaron Palmer e Brian McManus. Os seus membros mudaron frecuentemente nos seguintes anos, con máis de 20 membros diferentes no conxunto das súas encarnacións. O grupo mudouse a Toronto entre os anos 2003-2007 e a Sault Ste. Marie nos anos 2008-2011. O seu único membro constante foi o multi-instrumentalista e vocalista David Gold, que faleceu nun accidente de tráfico en decembro de 2011,[4] o que supuxo a disolución do grupo pouco antes da publicación do seu último álbum Woods 5: Grey Skies & Electric Light, que gañou o Premio Juno de 2013 na categoría de "Metal/Hard Music Album of the Year".