Wonderful Days

Wonderful Days
Ficha técnica
Título orixinal	원더풀 데이즈
Director	Kim Moon-saeng
Produtor	Hwang K. S.; Kyeong Hag Lee
Guión	Kim Moon-saeng; Park Jun-Yong
Intérpretes	Ji Hoon Choi; Yeong Seon Eun; In Seong O
Música	Won II
Estudio	Endgame Productions Inc.; Masquerade Films; Maxmedia; Tin House Productions
Distribuidora	Palisades Tartan (inglés); Gainax (Xapón); Pathé (Francia)
Estrea	17 de xullo de 2003
Duración	86 minutos (estrea orixinal); 95 minutos (corte do director)
Orixe	Corea do Sur
Xénero	Animación
Na rede

Este artigo amosa escritos coreanos. Sen o soporte axeitado, o texto pode mostrar símbolos sen sentido, coma caixas, marcas e outros.

Wonderful Days (en coreano: 원더풀 데이즈) é un filme surcoreano de 2003 de animación e ciencia ficción escrito e dirixido por Kim Moon-saeng. É un filme postapocalíptico ambientado no ano 2142, ano no que a contaminación ambiental levou ó colapso da civilización humana. Creouse coa técnica de imaxe xerada por ordenador fotorrealista, comparable á de filmes como Final Fantasy: The Spirits Within, que salienta por empregar modelos altamente detallados dos fondos sobre os que se animaron as personaxes.

O filme foi estreado en numerosos países occidentais como os Estados Unidos de América e o Reino Unido baixo o título de Sky Blue. Estas versións foron lixeiramente editadas, co recorte de dous minutos en comparanza coa versión orixinal. Países como Francia e Finlandia mantiveron o título orixinal (que é unha transliteración hangul da frase inglesa “Wonderful Days”).