Wikipedia:Xornal da Galipedia/01-09-2010/Monicreques atrapados

Na Galipedia, a Wikipedia en galego.
Monicreques atrapados

A Galipedia atopa unha rede de monicreques que afecta 78 wikipedias

Por X Cid, 1 de setembro de 2010

Ás veces as wikipedias pequenas ou medianas, como a nosa, teñen máis facilidade cás wikipedias maiores para descubrir algúns problemas. E a historia de hoxe é un bo exemplo.

A casualidade fixo que lle botásemos un ollo a un artigo creado na Galipedia e que tiña trazas de ser produto dun autobombo. Este artigo levounos a un usuario que creara tamén, tempo atrás, outro artigo sobre un tradutor austríaco. E por un erro nas edicións na Galipedia quedou descuberto que o usuario e o tradutor eran a mesma persoa.

Este usuario creara non só o artigo sobre si mesmo, senón tamén outros artigos relacionados con el: as asociacións de escritores onde participaba, unha novela súa, a editorial onde publicaba, etc.; porén, non creara ningún artigo máis e fixera pouquísimas edicións en artigos que non foran sobre el. Ademais creara unha serie de usuarios que controlaba noutras 78 wikipedias e que adoptaban o mesmo patrón de edicións, as máis das veces editando unicamente o artigo sobre el e ningún máis.

O que fixo válenos para lembrar algunhas das prácticas contrarias aos principios da Wikipedia:

O caso, comunicado ao taboleiro de administradores da Wikipedia inglesa, acabou coa intervención do usuario orixinal, recoñecendo estes erros.

01-09-2010
Neste número
  • Novas e anuncios
  • Monicreques atrapados
  • Entrevistas
  • ← Volver aos contidos

    + Engade un comentarioConversa sobre esta historia
    Aínda non hai comentarios. Ti podes ser o primeiro en achegar unha opinión!