Voo 760 de SCAT Airlines
| Voo 760 de SCAT Airlines | |
|---|---|
_SCAT_Air.jpg) O avión días antes do accidente
| |
| Resumo | |
| Data | 29 de xaneiro de 2013 |
| Causa | deflexión do elevador |
| Lugar | preto de Kyzyltu, Casaquistán |
| Coordenadas | Coordenadas: 43°22′41″N 77°05′13″L / 43.378055555556, 77.086944444444 |
| Orixe | aeroporto de Kokshetau |
| Destino | aeroporto de Almati |
| Finados | 21 |
| Aeronave | |
| Tipo de aeronave | Bombardier CRJ200 |
| Operador | SCAT Airlines |
| Rexistro | UP-CJ006 |
| Pasaxeiros | 16 |
| Tripulación | 5 |
| Superviventes | 0 |
O voo 760 de SCAT Airlines era un servizo doméstico regular de pasaxeiros dende Kokshetau ata Almati, en Casaquistán, que se esnafrou con néboa densa preto de Kyzyltu o día 29 de xaneiro de 2013, matando aos 16 pasaxeiros e 5 tripulantes a bordo.[1][2]
Accidente[editar | editar a fonte]
O Bombardier CRJ-200ER que operaba o voo estaba na aproximación final ao aeroporto de Almati no medio dunha densa néboa cando se esnafrou a 5 quilómetros da pista, preto da vila de Kyzyltu ás13:13 hora local (07:13 UTC), 14 segundos despois de iniciar un go-around.[2] Os 16 pasaxeiros e 5 tripulantes a bordo morreron.[1][3][4]
Investigación[editar | editar a fonte]
Pouco despois do accidente, o Primeiro Ministro Serik Akhmetov estableceu unha comisión encabezada por Bakytzhan Sagintayev, Viceprimeiro Ministro de Casaquistán, para investigar a causa do sinistro.[5]
Maulen Mukashev, o tenente de alcalde de Almati, visitou o lugar do accidente e díxolle aos xornalistas que a causa preliminar do accidente era o mal tempo. Mukashev tamén engadiu: "Non quedou intacta ningunha parte do avión despois de que caíse".[1][4]
O 2 de marzo de 2015 o Comité Interestatal de Aviación publicou o seu informe final dicindo que durante a aproximación final, debido a que as condicións meteorolóxicas estaban por deibaixo dos mínimos, o elevador desviouse para baixar o nariz en vez de subila levando ao aparello a unha caída abrupta e ao impacto contra o chan. A investigación foi incapaz de determinar a causa do movemento do elevador pero non atopou ningunha proba do mal funcionamento de calquera sistema ou de influencias externas.
Notas[editar | editar a fonte]
- ↑ 1,0 1,1 1,2 "Passenger plane crash kills 21 in Kazakhstan". Reuters (en inglés). 2013-01-29. Consultado o 2018-12-25.
- ↑ 2,0 2,1 "Scat CRJ2 at Almaty on Jan 29th 2013, impacted ground near airport". The Aviation Herald. Consultado o 2018-12-25.
- ↑ "Kazakh air crash kills all 20 on board". www.theaustralian.com.au. 2013-01-29. Consultado o 2018-12-25.
- ↑ 4,0 4,1 "Passenger jet crashes near Almaty". BBC News (en inglés). 2013-01-29. Consultado o 2018-12-25.
- ↑ "State commission on investigation of plane crash near Almaty established". primeminister.kz (en inglés). Arquivado dende o orixinal o 20 de abril de 2019. Consultado o 2019-04-20.
