Voo 571 da Forza Aérea Uruguaia
 | Atención: Este artigo é demasiado curto e precisa dun traballo de ampliación. |
| Voo 571 da Forza Aérea Uruguaia | |
|---|---|
 | |
| Resumo | |
| Data | 13 de outubro do 1972 |
| Causa | Voo controlado contra o terreo debido a un erro do piloto |
| Lugar | Glaciar de las Lágrimas, Departamento Malargüe, Provincia de Mendoza, Arxentina, a 3500 m s. n. m. nos Andes, a 1200 m da fronteira con Chile |
| Finados | 29 |
| Aeronave | |
| Pasaxeiros | 40 |
| Tripulación | 5 |
| Superviventes | 16 |
O accidente do voo 571 da Forza Aérea Uruguaia aconteceu o venres 13 de outubro do 1972, cando o Fairchild FH-227D, un voo chárter que partira o día anterior de Montevideo (Uruguai) a Santiago (Chile), estrelouse na cordilleira dos Andes. O accidente aéreo e a posterior supervivencia coñecéronse respectivamente como «Traxedia dos Andes» (Tragedia de los Andes) e «Milagre dos Andes» (Milagro de los Andes).
O copiloto, Tenente Coronel Dante Héctor Lagurara, pilotaba a aeronave no momento do accidente. Este, creu erroneamente que a aeronave xa sobrevoara Curicó, o punto de viraxe para voar ao norte e comezar o descenso cara ao que el pensaba que era o Aeroporto de Pudahuel, en Santiago. Non se decatou de que as lecturas dos instrumentos indicaban que estaba aínda a 60-69 km ao leste de Curicó.
A aeronave comezou a descender antes de tempo mentres aínda sobrevoaba os Andes, impactando contra o fío dunha montaña. As dúas ás e a sección da cola desprendéronse da fuselaxe. O resto da fuselaxe escorregouse pola montaña a unha velocidade aproximada de 350 km/h, descendeu uns 750 metros e estrelouse contra o xeo e neve do Glaciar de Las Lágrimas a 3570 m. s. m. n. na cordilleira dos Andes, na Provincia de Mendoza, en Arxentina, a 1200 metros da fronteira con Chile. As autoridades comezaron inmediatamente a busca do avión e sobrevoaron o lugar do accidente varias voltas durante os seguintes días, mais non acadaron enxergar a branca fuselaxe sobre a neve. O 21 de outubro, cancelouse a busca.