Voo 3704 de Iran Aseman

Na Galipedia, a Wikipedia en galego.
Saltar ata a navegación Saltar á procura
Voo 3704 de Iran Aseman
EP-ATS ATR.72 Iran Aseman Airlines (7691719536).jpg
O avión do accidente en 2006
Resumo
Data  18 de febreiro de 2018
Causa  baixo investigación
Lugar  Dena Massif, montes Zagros
preto de Semirom, Irán
Coordenadas  34°00′00″N 51°18′49″L / 34.00000, -51.31361
Orixe  aeroporto de Mehrabad
Destino  aeroporto de Yasuj
Finados  65
Feridos  0
Aeronave
Tipo de aeronave ATR 72-200
Operador  Iran Aseman Airlines
Rexistro  EP-ATS
Pasaxeiros  59
Tripulación  6
Superviventes  0

O voo 3704 de Iran Aseman foi un voo doméstico regular iraniano de pasaxeiros dende Teherán ata Yasuj operado pola aeroliña Iran Aseman Airlines. O 18 de febreiro de 2018, o avión que realizaba o voo, un ATR 72-200, esnafrouse contra o monte Dena, nos montes Zagros, preto da vila de Noqol na provincia de Esfahan.[1] A totalidade dos 59 pasaxeiros e 6 tripulantes a bordo morreron.[2][3][4][5] Rescatadores a bordo de helicópteros da Forza Aérea dos Corpos da Garda Revolucionaria Islámica atoparon os restos do avión dous días despois do accidente.[6]

Avión[editar | editar a fonte]

O aparello involucrado no accidente era un ATR 72-212 con número de serie 391. Tiña o rexistro EP-ATS e fora entregado a Iran Aseman Airlines no ano 1993. Nos seus 24 anos de servizo coa aeroliña a avión non rexistrara ningún incidente serio.[5][7]

Unha fonte iraniana informou de que o avión reiniciara recentemente as súas operacións despois de estar fóra de servizo durante sete anos debido á falta de pezas de reposto, e que tivera problemas técnicos nun voo semanas antes do accidente. Afirmouse tamén que unha publicación de Instagram da aeroliña dous meses antes do accidente anunciaba a volta ao servizo do aparello, pero esta foi borrada tras o accidente.[2]

No momento do accidente Iran Aseman tiña seis avións ATR na súa frota, dos cales tres estaban realizando operacións.[2]

Este accidente é o sexto con vítimas mortais do ATR 72 nunha década que deixaron un total de 306 mortos.[8]

Accidente[editar | editar a fonte]

O avión estaba operando un voo doméstico regular de pasaxeiros dende o aeroporto de Mehrabad en Teherán ata o aeroporto de Yasuj.[9] Engalou de Teherán ao redor das 04:30 UTC e esnafrouse no monte Dena sobre unha hora despois.[4] Os seus 65 ocupantes, 59 pasaxeiros e 6 tripulantes, presumiblemente morreron.[2] Segundo a páxina web de seguimentos de voos Flightradar24, o derradeiro sinal do avión fo recibido xusto antes das 05:56 UTC, cando se atopaba a unha altura de 16 975 pés (5 174 m) e estaba descendendo.[10] O derradeiro contacto de radio que o control de tráfico aéreo (ATC) tivo coa tripulación foi poucos minutos antes, ás 09:22 hora local (05:52 UTC), cando o ATC autorizou ao avión a descender de nivel de voo dende unha altura de 21 000 pés a 17 000.[5]

Busca[editar | editar a fonte]

Habitantes da zona informaron que escoitaron ao avión chocando contra a montaña, pero debido á neboa os helicópteros de rescate non puideron chegar ao lugar do accidente nos montes Zagros. O monte Dena, onde se esnafrou o avión, é realmente unha cordilleira dentro dos montes Zagros; ten 80 qulómetros de longo con varios picos, o máis alto deles de 4 409 metros.[5] As condicións meteorolóxicas no lugar do accidente, incluída neve e fortes ventos, obstaculizaron aos servizos de busca e rescate.[5]

Rescatadores a bordo de halicópteros dos Corpos da Garda Revolucionaria Islámica atoparon os restos do avión dous días despois do accidente,[6] o 20 de febreiro, a 30 metros baixo o pico das montañas ao sur de Noqol a unha altura duns 4 000 metros.[6]

O día 3 de marzo funcionarios iranís anunciaron que atoparan a gravadora de datos de voo.[11]

Notas[editar | editar a fonte]

  1. NBC News (ed.). "Iran plane crash: 66 people killed after passenger aircraft goes down". Consultado o 12 de marzo de 2018. 
  2. 2,0 2,1 2,2 2,3 The Guardian (ed.). "Iran plane crash in south of country 'kills all 65 onboard'". Consultado o 12 de marzo de 2018. 
  3. Mehr News Agency (ed.). "Iran passenger plane crash kills 65, wreckage still missing". Consultado o 12 de marzo de 2018. 
  4. 4,0 4,1 BBC (ed.). "Iran plane crash: All 66 people on board feared dead". Consultado o 12 de marzo de 2018. 
  5. 5,0 5,1 5,2 5,3 5,4 Aviation Safety Network (ed.). "Accident description". Consultado o 12 de marzo de 2018. 
  6. 6,0 6,1 6,2 The Aviation Herald (ed.). "Crash: Iran Aseman AT72 near Semirom on Feb 18th 2018, impacted terrain". Consultado o 13 de marzo de 2018. 
  7. Planespotters (ed.). "EP-ATS Iran Aseman Airlines ATR 72". Consultado o 13 de marzo de 2018. 
  8. Aviation Safety Network (ed.). "Accident list: Aérospatiale/Aeritalia ATR-72". Consultado o 13 de marzo de 2018. 
  9. eTurboNews (ed.). "Iran Aseman Flight 3704 crashed in Semirom, Isfahan Province Iran". Consultado o 14 de marzo de 2018. 
  10. Flightradar24 (ed.). "Crash of Iran Aseman Airlines Flight 3704". Consultado o 14 de marzo de 2018. 
  11. "Black box from Tehran-Yasuj crashed plane retrieved". Mehr News Agency (en inglés). 2018-03-03. Consultado o 2018-12-31.