Vilarrube, Valdoviño

Vilarrube
	Igrexa de San Martiño de Vilarrube.
Concello	Valdoviño
Provincia	A Coruña
Coordenadas	43°37′51″N 8°04′15″O / 43.6307, -8.0707
Área	6,2 km²
Poboación	319 hab. (2019)
Densidade	51,45 hab./km²
Entidades de poboación	23
	[ editar datos en Wikidata ]

San Martiño de Vilarrube é unha parroquia situada no oeste do concello de Valdoviño. Segundo o padrón municipal de 2018 tiña 323 habitantes (153 mulleres e 170 homes) distribuídos en 23 entidades de poboación, o que supón unha diminución en relación ao ano 2008 cando tiña 363 habitantes. Ten unha superficie de 6,2 km², cunha densidade de poboación de 52,1 hab./km². Na xurisdición eclesiástica forma parte do arciprestado de Xuvia, pertencente á diocese de Mondoñedo-Ferrol.

Patrimonio

A igrexa de San Martiño de Vilarrube atópase localizada sobre unha ladeira, arrodeada de árbores no lugar de Adro. É un templo de estilo barroco con planta rectangular dunha soa nave cuberta con bóveda de canón, ábsida, dúas capelas laterais e sancristía. Destaca pola cor branca da súa fachada, que presenta unha torre campanario de planta circular e rematada por unha cúpula. Merece especial mención o retablo neogótico do seu altar maior, coas imaxes da Sagrada Familia e de San Martiño, patrón da igrexa.

O pazo de Vilarrube atópase sito nos arredores da igrexa de San Martiño, sobre o cumio dun monte dominando toda a enseada de Esteiro. É un edificio de grandes dimensións e planta irregular fundado polas familias Piñeiro e Maseda, cuxos escudos consérvanse na súa fachada. Merecen especial mención os xardíns que arrodean todo o edificio e a pequena ermida sita no seu interior, que garda un interesante retablo barroco. Na actualidade, é de propiedade privada, non podendo ser visitado.

A ponte de Porto do Cabo foi construída na época medieval e utilizada dende as súas orixes para salvar o río Porto do Cabo, de aí o seu nome. Posúe dous arcos de medio punto, un deles de menor medida, utilizado nos medres do río.

Galería de imaxes

Praia de Vilarrube.
Capela da Virxe da ermida.
Capela de Liñeiro.
Cruceiro.
O Adro.
Lintel da igrexa parroquial.

Lugares e parroquias

Lugares de Vilarrube

Lugares da parroquia de Vilarrube no concello de Valdoviño (provincia da Coruña)
O Adro \| Arnela \| A Atalaia \| O Bacelar \| As Campeiras \| O Campón \| A Capela \| O Castro \| Cotelo \| A Escola \| As Ferrerías \| O Folgar \| As Folgueiras \| A Fonte Grande \| Freixeiro \| Ianes \| Liñeiro \| O Patronato \| A Pena \| A Porta da Pía \| O Porto de Abaixo \| O Porto de Arriba \| O Puntal \| Quengo \| O Ribeiro \| As Torrentes \| Vila Herminia \| Vilelas

Parroquias de Valdoviño

Galicia \| Provincia da Coruña \| Parroquias de Valdoviño
Lago (Santiago) \| Loira (San Pedro) \| Lourido (San Bartolomeu) \| Meirás (San Vicente) \| Pantín (Santiago) \| O Sequeiro (Santa María) \| Valdoviño (Santalla) \| Vilaboa (San Vicente) \| Vilarrube (San Martiño)

Notas

↑ ^1,0 ^1,1 DECRETO 189/2003, do 6 de febreiro, polo que se aproba o nomenclátor correspondente ás entidades de poboación da provincia da Coruña.

Véxase tamén

Outros artigos

Lugares de Valdoviño

[nomenclátor-1] 1,0 ^1,1 DECRETO 189/2003, do 6 de febreiro, polo que se aproba o nomenclátor correspondente ás entidades de poboación da provincia da Coruña.

[1]