Vicente Soto Martínez
| Biografía | |
|---|---|
| Nacemento | 1911  (112/113 anos)Pontevedra, España |
| Datos persoais | |
| País de nacionalidade | España |
| Actividade | |
| Ocupación | mestre , político |
| Lingua | Lingua castelá |
Vicente-Santiago Soto Martínez, nado en Pontevedra cara a 1911, foi un mestre e político galego.
Traxectoria[editar | editar a fonte]
Estudou maxisterio na Escola Normal de Pontevedra. Foi socio fundador da Casa del Maestro de Pontevedra.[1] Fixo o cursiño de selección profesional para o ingreso no maxisterio de 1936.[2] De ideoloxía socialista. Cando se produciu o golpe de Estado do 18 de xullo de 1936 participou na defensa do goberno civil pontevedrés e na requisa de armas. Foi detido e xulgado en consello de guerra en Pontevedra por rebelión militar o 4 de febreiro de 1937 con Timoteo Blanco Abal, José Campos Villar, Adolfo Caeiro García e José Elías Silva Caneda.[3] Un informe da Garda Civil considerábao "De dudosa conducta y antecedentes, simpatizante del frente popular, propagandista de izquierdas". Condenado a cadea perpetua, pasou pola Illa de San Simón e despois foi trasladado ao penal de San Cristóbal de Pamplona a onde chegou o 11 de outubro. Conmutada a súa pena a catro anos o 26 de xuño de 1940, saíu con prisión atenuada o 20 de agosto.