Vasili Mishin

Vasili Mishin
Nome orixinal	(ru) Василий Павлович Мишин
Biografía
Nacemento	18 de xaneiro de 1917 ; Byvalin (Imperio Ruso)
Morte	10 de outubro de 2001 (84 anos); Moscova, Rusia
Lugar de sepultura	Cemitério Troyekurovskoye (pt)
Datos persoais
Residencia	Unión Soviética
País de nacionalidade	Rusia ; República Socialista Soviética Federativa de Rusia ; Imperio Ruso ; Unión Soviética
Educación	Instituto de Aviação de Moscou (pt)
Actividade
Campo de traballo	Rocket science (en)
Ocupación	científico , enxeñeiro de deseño
Empregador	Instituto de Aviação de Moscou (pt)
Partido político	Partido Comunista da Unión Soviética
Membro de	Academia de Ciencias de Rusia ; Academia de Ciencias da URSS
Lingua	Lingua rusa
	Premios Premio Estatal da URSS; Bandeira Vermella do Traballo; Orde da Estrela Vermella; Premio Lenin; Orde da Revolución de Outubro; Orde de Lenin; Heroe do Traballo Socialista; Korolev Gold Medal (en) ;

Vasili Pavlovich Mishin (en ruso, Васи́лий Па́влович Ми́шин), nado o 18 de xaneiro de 1917 e finado o 10 de outubro de 2001, foi un enxeñeiro que traballou no programa espacial soviético.^[1]^[2]

Biografía[editar | editar a fonte]

Mishin graduouse como enxeñeiro no Instituto de Aviación de Moscova en 1941. Comezou a súa carreira na enxeñaría astronáutica traballando no instituto de investigación NII-1, o primeiro instituto do mundo orientado á investigación sobre foguetes. Mishin formou parte do grupo de enxeñeiros do NII-1 que viaxou a Alemaña ao final da segunda guerra mundial para estudar os mísiles V-2 usados polos nazis e entrevistar aos enxeñeiros alemás que traballaron sobre eles. Foi en Alemaña onde fixo amizade con outro enxeñeiro do NII-1, Sergei Koroliov, que acabaría sendo o fundador do programa espacial soviético a través da formación da oficina de deseño OKB-1 en 1946 e da que Mishin sería director adxunto ao lado de Koroliov.^[1]^[2]

Mishin supervisou e axudou a desenvolver varios mísiles e foguetes, entre eles o R-7, que acabaría sendo o foguete que enviaría ao Sputnik 1 ao espazo o 4 de outubro de 1957, o primeiro satélite artificial da Historia, e que acabaría dando lugar á familia de lanzadores orbitais Soiuz. A principios dos anos 1960 Mishin foi clave no desenvolvemento do foguete pesado N1, no que Koroliov basearía o a súa estratexia de programa lunar. Koroliov faleceu inesperadamente en 1966, co que Mishin quedou á fronte do proxecto, xa entón cheo de problemas técnicos e carente da financiamento adecuado. A pesar dos seus esforzos, tódalas probas co N1 finalizaron en fracaso. Sumado aos problemas iniciais coas primeiras cápsulas Soiuz, incluído o falecemento de catro cosmonautas, Mishin foi apartado do seu posto en 1974, sendo substituído por Valentin Glushko, que finalizou os esforzos por poñer un cosmonauta soviético na Lúa.^[1]^[2]

Mishin adicouse a dar clases no Instituto de Aviación de Moscova. Finou o 10 de outubro de 2001, sendo enterrado no cemeterio Traekurovskoe en Moscova.^[1]^[2]

Notas[editar | editar a fonte]

↑ ^1,0 ^1,1 ^1,2 ^1,3 Mark Wade (2023). "Mishin, Vasili Pavlovich" (en inglés). Consultado o 8 de xullo de 2023.
↑ ^2,0 ^2,1 ^2,2 ^2,3 Russian Space Web, ed. (2023). "PEOPLE: Mishin" (en inglés). Consultado o 8 de xullo de 2023.

Véxase tamén[editar | editar a fonte]

Outros artigos[editar | editar a fonte]

[astronautix-1] 1,0 ^1,1 ^1,2 ^1,3 Mark Wade (2023). "Mishin, Vasili Pavlovich" (en inglés). Consultado o 8 de xullo de 2023.

[rus-2] 2,0 ^2,1 ^2,2 ^2,3 Russian Space Web, ed. (2023). "PEOPLE: Mishin" (en inglés). Consultado o 8 de xullo de 2023.

[1]

[2]