Val de Cocora
O val de Cocora é unha paisaxe natural que se atopa nun val montañoso da cordilleira Central dos Andes colombianos, especificamente no departamento de Quindío, formando parte do Parque Nacional Natural Los Nevados. É o principal fogar da árbore nacional de Colombia, a palmeira de cera de Quindío (Ceroxylon quindiuense), así como dunha gran variedade de flora e fauna, moita dela en perigo de extinción, protexida baixo o status de parque nacional natural. O val, así como a localidade próxima de Salento, sitúanse entre os principais destinos turísticos de Colombia.[1]
Toponimia
[editar | editar a fonte]Cocora era o nome dunha princesa quimbaya, filla do cacique Acaime, e cuxo significado é estrela de auga.
Protección
[editar | editar a fonte]Co obxectivo de previr a explotación da palmeira de cera e das especies endémicas propias do val de Cocora, o goberno de Belisario Betancur propuxo a creación dun santuario natural en devandito lugar e a preservación da palmeira de cera como árbore nacional de Colombia a través da lei 61 de 1985, ratificada o 16 de setembro de 1985.[2]
