Urraca Henriques

Na Galipedia, a Wikipedia en galego.
Saltar ata a navegación Saltar á procura
Urraca Henriques
Bermudo Pérez de Trava, Teresa of León, Countess of Portugal and Urraca Henriques.jpg
Urraca representada no Tumbo de Toxos Outos (figura feminina da dereita).

Nacemento1095
Guimarães
Falecemento1173
Nogueirosa, Pontedeume
Cónxuxe/sBermudo Pérez de Traba[1]
Casa realCasa de Borgoña
ProxenitoresHenrique de Borgoña
Tareixa, condesa de Portugal

Urraca Henriques nada en Guimarães[2] no ano 1095 e finada en Nogueirosa, Pontedeume en 1173, foi unha nobre galega filla dos primeiros condes do condado portucalense, Henrique de Borgoña e Tareixa de León e irmá do primeiro rei de Portugal, Afonso I.

Traxectoria[editar | editar a fonte]

Casou con Bermudo Pérez de Traba, magnate galego, membro da casa de Traba —a máis poderosa da Galicia altomedieval— fillo de Pedro Froilaz de Traba, conde de Traba e de Urraca Fróilaz e irmán do amante da súa nai,[2] en 1122. [3][4]

En 1148, o seu esposo encargoulle ao abade do mosteiro de San Xusto de Toxos Outos a construción dun convento en Nogueirosa, preto de Pontedeume. Este lugar formaba parte do dote que lle dera á infanta Urraca o 25 de xullo de 1122. Máis tarde, en 1150, Urraca dooulle ao abade e ao mosteiro varios bens coa condición de que ela e catro damas da súa familia fosen admitidas como relixiosas no convento de Santa María de Nogueirosa.[5]

Preto de 1160, Bermudo ingresou como monxe no mosterio de Santa María de Sobrado, que fora fundado polos seus antepasados, onde morreu en 1168 aos 80 anos.[5][6]

Urraca retirouse tamén probablemente o mesmo ano que o seu esposo ao mosteiro de Nogueirosa onde morreu en 1173 e foi enterrada na igrexa do seu convento.[7]

Notas[editar | editar a fonte]

  1. López Sangil 2002, p. 89.
  2. 2,0 2,1 "Urraca (D.).". Portugal - Dicionário Histórico, Corográfico, Heráldico, Biográfico, Bibliográfico, Numismático e Artístico (en portugués). p. 246. Consultado o 10 de febreiro de 2014. 
  3. López Sangil 2002, p. 55.
  4. Torres Sevilla-Quiñones de León 1999, p. 322.
  5. 5,0 5,1 López Sangil 2002, p. 62.
  6. Torres Sevilla-Quiñones de León 1999, p. 326.
  7. López Sangil 2002, p. 62–64.

Véxase tamén[editar | editar a fonte]

Bibliografía[editar | editar a fonte]

  • López Sangil, José Luis (2002). La nobleza altomedieval gallega, la familia Froílaz-Traba. Noia, A Coruña: Editorial Toxosoutos, S. L. ISBN 8495622688. 
  • Torres Sevilla-Quiñones de León, Margarita Cecilia (1999). Linajes nobiliarios de León y Castilla: Siglos IX-XIII. Salamanca: Junta de Castilla y León, Consejería de Educación y Cultura. ISBN 84-7846-781-5.