Unió Catalanista

Unió Catalanista
Tipo	partido político catalán
Ideoloxía	Catalanismo
Data de fundación	1891
Data de disolución	1936
País	España
Na rede
[ editar datos en Wikidata ]

A Unió Catalanista foi un grupo político catalanista conservador formado en Barcelona en 1891 coa unión de diversos sindicatos e asociacións catalanistas que se puxeran en contacto a raíz da resistencia contra o artigo 15 do código civil que atentaba contra o dereito civil catalán. No 1892 promoveron a reunión na que se aprobaron as Bases de Manresa. No 1893 celebrou asemblea en Reus, no 1894 en Balaguer e no 1895 en Olot. No 1897 modificou os estatutos e uníronse novas asociacións, agrupacións, xornais e particulares. A dirección dividíase en dous sectores, un pouco politizado agrupado en torno ao periódico La Renaixença, e outro máis político encabezado por Enric Prat de la Riba. Este separouse da Unió en 1899, creando o Centre Nacional Catalá baixo a presidencia de Narcís Verdaguer i Callís. O Centre tivo un grande éxito nas eleccións de 1901 ás que concorreron en coalición coa Unió Regionalista. A Unió Catalanista convocou entón unha asemblea en Terrassa na que se decidiu entrar en política e pedir o concerto económico. No 1903 logrou a presidencia Domènec Martí i Julià, o cal orientou o partido á esquerda. Martí deixou a presidencia en 1906 pero volveuna ocupar en 1914. No 1916 Martí propuxo a disolución que non foi aceptada e deixou o grupo. En 1932 obtivo un escano no parlamento de Cataluña e disolveuse ao estourar a guerra civil española.

Presidentes

• Lluís Domènech i Montaner
• Joan Josep Permanyer i Ayats
• Àngel Guimerà i Jorge
• Antoni Maria Gallissà i Soqué
• Joaquim Riera i Bertran
• Francesc Romaní i Puigdengolas
• Manuel Folguera i Duran
• Pau Sans i Guitart
• Antoni Suñol i Pla
• Josep Maria Roca i Heras
• Domènec Martí i Julià
• Vicenç Albert Ballester i Camps

Véxase tamén

Bibliografía

• Buffery, Helena; Marcer, Elisenda (2011). Historical Dictionary of the Catalans. The Scarecrow Press. ASIN B00Y2SVHVM
• Cacho Viu, Vicente (1998). El nacionalismo catalán como factor de modernización. Residencia de Estudiantes - Quaderns Crema. ISBN 978-8477272601. 
• Gonzàlez i Vilalta, Arnau (2011). Cataluña bajo vigilancia. El consulado italiano y el fascio de Barcelona (1930-1943). Valencia: Universidad de Valencia. ISBN 978-84-370-8309-4. 
• Guereña, Jean-Louis; Morales Muñoz, Manuel (2006). Los nacionalismos en la España contemporánea. Ideologías, movimientos y símbolos. Diputación de Málaga. ISBN 84-7785-748-2. 
• Hernández Sánchez, Antonio; Espinosa Ortiz, Javier (2000). Nacionalismo. Pasado, presente y futuro. Col. Humanidades. Ediciones de la Universidad de Castilla-La Mancha. ISBN 978-8484270881. 
• Pabón, Jesús (1988). Cambó: 1876-1947. Barcelona: Alpha. ISBN 84-7225-740-1. 
• Tornafoch, Xavier (2002). Catalanisme, carlisme i republicanisme a Vic (1899-1909). (en catalán). Publicacions de l'Abadia de Montserrat. ISBN 9788484154204.