Unión do Magreb Árabe
| اتحاد المغرب العربي Unión do Magreb Árabe | |||
| |||
.svg)
A Unión do Magreb Árabe (en árabe: اتحاد المغرب العربي, Ittiḥād al-Magrib al-ʿArabī) é un acordo de interacción comercial asinado o 17 de febreiro de 1989 en Marrakech polos xefes de Estado de Marrocos, Alxeria, Tunisia, Mauritania e Libia.
Descrición[editar | editar a fonte]
A súa orixe inmediata e o primeiro cumio magrebí, celebrado en Alxer o 10 de xuño de 1988. As súas institucións máis relevantes son: o Consello Presidencial, composto polos xefes de Estado do cinco países membros baixo a presidencia por quendas de cada un deles durante seis meses; o Consello de Ministros de Asuntos Exteriores; o Comité de Seguimento, composto por un membro de cada goberno; o Consello Consultivo, composto por dez deputados de cada parlamento nacional; un órgano xudicial formado por dous xuíces de cada país, encargado de arbitrar os litixios entre Estados membros e unha Secretaría Xeral do Consello Presidencial.
Os xefes de Estado asinantes do tratado orixinal foron: o rei Hasan II de Marrocos; o presidente tunisiano Zine el-Abidine Ben Ali, o presidente alxerino Chadli Bendjedid, o líder libio Muammar al-Gaddafi e o presidente mauritano Maaouya Ould Sid'Ahmed Taya.
A rivalidade tradicional entre Marrocos e Alxeria, ademais da cuestión sen resolver sobre a soberanía do Sáhara Occidental bloquearon as reunións deste organismo desde o ano 1994. A última conferencia de alto nivel, que debería ter lugar en 2005, foi cancelada pola negativa de Marrocos a participar debido ao apoio verbal de Alxeria á independencia do Sáhara Occidental. O Sáhara Occidental foi unha colonia española até que foi invadida por Marrocos e Mauritania en 1974. Dende entón Alxeria apoiou sempre ao movemento de liberación saharauí, o Fronte Polisario.[1]
Membros[editar | editar a fonte]
| Estado | Dende | Capital | Poboación | Área | Densidade | Linguas oficiais | ||
|---|---|---|---|---|---|---|---|---|
|
|
Alxeria | 1989 | Alxer | 34.895.000 | 2.381.741 | 14,6 | Árabe |
|
.svg){kind=small}
|
Libia | 1989 | Tripoli | 6.420.000 | 1.759.541 | 3,6 | Árabe |
.svg){kind=small}
|
.svg){kind=small}
|
Mauritania | 1989 | Nouakchott | 3.291.000 | 1.030.700 | 3,2 | Árabe |
|
|
Marrocos | 1989 | Rabat | 446.550 | 31.993.000 | 71,6 | Árabe |
|
|
Tunisia | 1989 | Tripoli | 10.432.500 | 163.610 | 63,8 | Árabe |
Notas[editar | editar a fonte]
- ↑ Aggad, Faten. "The Arab Maghreb Union: Will the Haemorrhage Lead to Demise?" African Insight. April 6, 2004.
