Troponina T tipo 3

Na Galipedia, a Wikipedia en galego.
Saltar ata a navegación Saltar á procura
Troponina T tipo 3 (músculo esquelético, rápida)
Identificadores
Símbolo TNNT3
Símbolos alt. AMCD2B, DA2B, FSSV, DKFZp779M2348
Entrez 7140
HUGO 11950
OMIM 600692
RefSeq NM_006757
UniProt O14520
Outros datos
Locus Cr. 11 p15.5

A troponina T, músculo esquelético rápida ou troponina T tipo 3 (TNNT3) é unha proteína situada nos miofilamentos finos das fibras musculares estriadas esqueléticas, que nos humanos está codificada no xene TNNT3 do cromosoma 11.[1][2] É unha das tres isoformas da troponina T; as outras dúas son TNNT1 e TNNT2. Esta isoforma exprésase no músculo esquelético de contracción rápida. A troponina T únese á tropomiosina situándoa sobre os filamentos de actina do sarcómero muscular tapando os sitios da actina para a unión coa miosina, o que impide a contracción muscular. A troponina é un complexo proteico que regula a contracción muscular formado por tres subunidades, que son as troponinas T, C e I.

O xene TNNT3 ten unha lonxitude de 19 kb e contén 19 exóns, entre eles hai 2 que son específicos da TNNT3 fetal ou neonatal (isoforma beta), que non se expresan no adulto (que expresa a isoforma alfa, que se diferencia en 14 aminoácidos do extremo C-terminal). O splicing alternativo deste xene pode orixinar varios transcritos distintos para esta proteína. As mutacións neste xene poden orixinar artrogripose distal múltiple conxénita tipo 2B (AD2B).[3]

Notas[editar | editar a fonte]

  1. Wu QL, Jha PK, Raychowdhury MK, Du Y, Leavis PC, Sarkar S (Jun 1994). "Isolation and characterization of human fast skeletal beta troponin T cDNA: comparative sequence analysis of isoforms and insight into the evolution of members of a multigene family". DNA Cell Biol 13 (3): 217–33. PMID 8172653. doi:10.1089/dna.1994.13.217. 
  2. "Entrez Gene: TNNT3 troponin T type 3 (skeletal, fast)". 
  3. OMIM TROPONIN T3, FAST SKELETAL; TNNT3

Véxase tamén[editar | editar a fonte]

Outras lectruras[editar | editar a fonte]