Trastornos do neurodesenvolvemento

Na Galipedia, a Wikipedia en galego.

Os trastornos do neurodesenvolvemento son disfuncións no crecemento e desenvolvemento do cerebro ou sistema nervioso central. Caracterízanse por unha alteración ou va­riación no crecemento e desenvolvemento cerebral asociadas a unha disfunción cognitiva, neurolóxica ou psiquiátrica que manifestan desde a infancia segundo o individuo medra [1].

Dentro do concepto de trastornos do neurodesenvolvemento poden incluirse [2]:

  • Trastornos de tipo sindrómico. Identifícanse clinicamente por un conxunto de síntomas ben delimitados e diferenciados de outros trastornos. Neste tipo de trastornos tamén soe estar ben identificada a rexión xenética responsable dos mesmos, así como o patrón de trasmisión hereditaria. Exemplos deste tipo de trastornos son a Síndrome de Williams, a Síndrome X fráxil, a Síndrome de Prader-Willi, a Síndrome de Angelman, ou a Síndrome de Down.
  • Trastornos asociados factores ambientais. A máis representativa destas codicións e a Síndrome Alcólica Fetal. Nos trastornos deste tipo, aínda sendo manifesta a existencia de elementos causais de tipo ambiental non debe excluirse o papel da posible interacción de factores xenéticos.
  • Trastornos sen unha causa específica identificada. Trátase de condicións vencelladas a múltiples factores, de carácter máis heterexéneo que os anteriores, aínda que pola súa elevada heredabilidade estes parecen ser predominantemente xenéticos. Recentemente o Manual Diagnóstico e Estatístico dos Trastornos Mentais, na súa última edición (DSM-5) incluíu dentro desta categoría: a Discapacidade Intelectual, os Trastornos do Espectro do Autismo (TEA), os Trastornos Motores, os Trastornos da Linguaxe, o Trastorno da Aprendizaxe e o Trastorno por Déficit de Atención e Hiperactividade (TDAH)

Notas[editar | editar a fonte]

  1. Artigas Pallarès, J.; Narbona, J. (2011). Trastornos del Neurodesarrollo. Viguera. ISBN 9788492931033. 
  2. Artigas Pallarès, Josep; Guitart, Miriam; Gabau-Vila, Elisabeth (2013). "Bases genéticas de los trastornos del neurodesarrollo". Revista de Neurología 56 (Supl 1): 23–34. 

Véxase tamén[editar | editar a fonte]

Bibliografia[editar | editar a fonte]