Torre Espacio

Torre Espacio;
Tipo	rañaceos
Epónimo	Emperador Inc. (en)
Parte de	Cuatro Torres Business Area
Uso(s)	Oficinas
Localización
	40°28′44″N 3°41′12″O / 40.478888888889, -3.6866666666667
Estado	España
Comunidade autónoma	Comunidade de Madrid
Concello	Madrid
Localización	Madrid, España
Rúa	Paseo da Castellana
Código postal	28046
Datas
Inicio construción	2004
Remate construción	2008
Fundación	2008
Dimensións
Altura	224 metros
Pisos	57
Superficie	56.259 m²
Persoas e organizacións
Propietario	Grupo Emperador
Arquitecto	Henry N. Cobb; José Bruguera
Contacto
Páxina WEB	emperadorproperties.com…
	[ Wikidata ]

A Torre Espacio é un rañaceos da cidade de Madrid, o cuarto edificio máis alto de España e o décimo sexto de Europa.

Ten unha altura de 230 metros e 57 plantas sobre o nivel do chan. A fachada está cuberta exclusivamente de vidro, as plantas, que teñen forma cadrada na base, modifícanse a medida que aumenta a altura ata alcanzar unha forma oxival, formando unha curva que matematicamente representa a función coseno.^[1]

Está situado, xunto a outros tres, no complexo Cuatro Torres Business Area (CTBA), entre os distritos de Fuencarral-El Pardo e Chamartín. A Torre Espacio foi a primeira en acabar de construírse. Foi proxectada polo arquitecto Henry N. Cobb,^[2] membro da firma Pei Cobb Freed & Partners, fundada por Ieoh Ming Pei. O edificio alberga oficinas de empresas como a Inmobiliaria Espacio S.L., OHL, Fertiberia, Ferroatlántica e tamén varias embaixadas.

Historia e características

A construción do edificio comezou en 2004 e en marzo de 2007 chegou ao seu teito. Durante a noite do 4 de setembro de 2006 declarouse un incendio entre a planta 40 e 42, a última planta en construción nese momento, a unha altura de 162 metros. Non houbo feridos e os danos non afectaron á estrutura. A data do 24 de novembro de 2006 a Torre Espacio superou en altura ao entón edificio máis alto de España, o Hotel Bali III de Benidorm de 186 metros.

O 19 de marzo de 2007 un espectáculo pirotécnico a máis de 300 metros de altura celebrou que a torre chegara á súa máxima altura e que fora concluída.^[3] O 29 de marzo de 2007 deixou de ser o edificio máis alto de España ao ser superado pola Torre de Cristal, tamén situada no CTBA.

O edificio ten particularidades de deseño que provocaron que Discovery Channel centrásese nel no capítulo sexto da cuarta tempada da súa serie Extreme Engineering na construción dunha planta deste edificio. Entre esas particularidades está que a curva característica que presenta esta torre está definida pola función y = cos (x).

Na planta 33 existe unha capela católica, polo que é unha das capelas máis altas do mundo a 135 metros do chan. A bandeira de España do ático é unha das máis grandes xunto coa da Praza de Colón de Madrid.

Notas

↑ Madrid desde o espazo, diario El Mundo, 09/03/2007
↑ Página web sobre o edificio no sitio de Pei Cobb Freed & Partners
↑ 37 metros máis alto, diario El País, 19/03/2007

Véxase tamén

Predecesor: Gran Hotel Bali	Edificio máis alto de España 2007	Sucesor: Torre de Cristal

Predecesor: Torre Picasso	Edificio máis alto de Madrid 2007	Sucesor: Torre de Cristal

Ligazóns externas

Sitio web oficial (en castelán)
Urbanity: Torre Espacio Arquivado 31 de decembro de 2009 en Wayback Machine. (en castelán)
Culmina a obra de Torre Espacio, o edificio máis alto de España, de 236 metros en elmundo.es

[1] Madrid desde o espazo, diario El Mundo, 09/03/2007

[2] Página web sobre o edificio no sitio de Pei Cobb Freed & Partners

[3] 37 metros máis alto, diario El País, 19/03/2007

[1]

[2]

[3]