Tines, Vimianzo

Tines
	Estela de Tines.
Concello	Vimianzo
Provincia	A Coruña
Coordenadas	43°06′36″N 8°58′30″O / 43.11004569, -8.97511752
Poboación	174 hab. (2019)
Entidades de poboación	3
	[ editar datos en Wikidata ]

Santa Baia de Tines é unha parroquia do concello de Vimianzo, na provincia da Coruña, arciprestado de Soneira e arquidiocese de Santiago de Compostela. En 2018 tiña 179 habitantes (79 homes e 100 mulleres)^[2], 61 menos ca en 1999.

Situación xeográfica

Está delimitada polas parroquias de Salto, Bamiro, Treos e Vilar no concello de Zas, distando só 8,5 km da capital do concello.

Historia

En Tines atopáronse restos de diferentes épocas históricas. A igrexa parroquial era representación de Rui Pérez da Costa e, o subsolo do seu adro é un dos enclaves máis interesantes para a historia de Galicia nunha pronta Idade Media. Debaixo atópase unha necrópole romano-sueva con enterramentos que datan dende o século I ata o século VIII. Atopáronse vestixios romanos nas escavacións feitas en 1954, se ben algúns dos vestixios foron destruídos.

Apareceu material da construción principalmente, ó que apunta á posible existencia dunha "vila romana" segundo Manuel Núñez. Tamén apareceron sarcófagos pétreos de dous formas distinguidas: unha máis primitiva e escasa de forma oval (datado da dominación sueva) e outra máis elaborada cun oco antropoide. A tapa dos sarcófagos antropoides están gravados con letras, trazos e debuxos cun estilo que presumiblemente date do século VI. Tamén se descubriron vestixios de enterramentos con tégulas, moi propios da dominación romana.

Xunto aos sarcófagos pétreos apareceu a estela romana de Vitorino ou estela de Tines. Nela distínguese un rostro humano, gravado toscamente e con inscricións. Segundo Díaz y Díaz é o primeiro testemuño epigráfico cristián de Galicia do século IV, pola aparición da fórmula "in pace". Consérvase no Museo Arqueolóxico da Coruña.

Lugares e parroquias

Lugares de Tines

Lugares da parroquia de Tines no concello de Vimianzo (A Coruña)
Pazos \| Romarís \| Tines

Parroquias de Vimianzo

Galicia \| Provincia da Coruña \| Parroquias de Vimianzo
Baíñas (Santo Antoíño) \| Bamiro (San Amedio) \| Berdoias (San Pedro) \| Calo (San Xoán) \| Cambeda (San Xoán) \| Carantoña (San Martiño) \| Carnés (San Cristovo) \| Castrelo (San Martiño) \| Cereixo (Santiago) \| Salto (Santa María) \| Serramo (San Sebastián) \| Tines (Santa Baia) \| Treos (San Miguel) \| Vimianzo (San Vicenzo)

Notas

↑ ^1,0 ^1,1 DECRETO 189/2003, do 6 de febreiro, polo que se aproba o nomenclátor correspondente ás entidades de poboación da provincia da Coruña.
↑ IGE (ed.). "IGE - Nomenclátor de Galicia". Arquivado dende o orixinal o 30 de decembro de 2020. Consultado o 19 de marzo de 2012.

Véxase tamén

Bibliografía

ARMADA PITA, Xosé Lois: "El culto a Santa Eulalia y la cristianización de "Gallaecia", Algunos testimonios arqueológicos", 2003, ISSN 0210-7694 (en castelán).

Outros artigos

Lugares de Vimianzo

[nomenclátor-1] 1,0 ^1,1 DECRETO 189/2003, do 6 de febreiro, polo que se aproba o nomenclátor correspondente ás entidades de poboación da provincia da Coruña.

[2] IGE (ed.). "IGE - Nomenclátor de Galicia". Arquivado dende o orixinal o 30 de decembro de 2020. Consultado o 19 de marzo de 2012.

[1]

[2]