Thurston Harris
Thurston Harris | |
---|---|
Data nacemento | 11 de xullo de 1931 |
Nado en | Indianapolis |
Falecemento | 14 de abril de 1990 |
Pomona | |
Causa | infarto agudo de miocardio |
Ocupación | músico e cantante |
Na rede | |
[ editar datos en Wikidata ] |
Thurston Harris, nado en Indianapolis o 11 de xullo de 1931 e finado en Pomona o 4 de abril de 1990, foi un cantante e compositor estadounidense, coñecido polo seu éxito «Little Bitty Pretty One», de 1957.
Traxectoria[editar | editar a fonte]
A primeira gravación de Harris data de 1953. Era o vocalista de The Lamplighters, unha banda de R&B de South Los Angeles, na rexión do condado homónimo.[1] A banda cambiou varias veces de nome, de The Tenderfoots a The Sharps.[2]
En 1957 Harris asinou un contrato en solitario con Aladdin Records. A súa banda apoiouno no lanzamento de «Little Bitty Pretty One», unha versión do tema de Bobby Day.[3][2] Chegou ao posto 6 dos US Billboard Hot 100. O sinxelo logrou o disco de ouro, con máis dun millón de copias.[1] The Sharps pasou a denominarse The Rivingtons e conseguiu a fama co sinxelo «Papa-Oom-Mow-Mow».
«Little Bitty Pretty One» foi publicado con etiquetas en tres cores diferentes, violeta, azul e granate, algo pouco común no momento. A canción aparece nas bandas sonoras de filmes ou series televisivas, como Telling Lies in America, Matilda, Lipstick on Your Collar e Christine.
Harris tivo un segundo e último éxito en 1958, "Do What You Did", que entrou no Top 20. Outra canción moi coñecida del é "Runk Bunk", gravada en 1959 (Aladdin 3452). Harris tamén gravou en Cub, Dot, Imperial, Intro, Reprise e United Artists.
Morte[editar | editar a fonte]
Harris morreu dun ataque de corazón mentres durmía o 14 de abril de 1990.[4]
Versións[editar | editar a fonte]
- Unha das primeira gravacións do inglés Adam Faith foi unha versión de «Runk Bunk».[5]
- O maior éxito en solitario do estadounidense Frankie Lymon foi unha versión de «Little Bitty Pretty One», que acadou o posto 58 da US Billboard R&B chart en 1960.
- The Dave Clark 5 acadou o número 24 na UK Singles Chart coa súa versión de «Little Bitty Pretty One» en 1965.[6]
- The Jackson 5 versionou «Little Bitty Pretty One» no seu álbum Lookin' Through the Windows, de 1972.[7]
- O galés Shakin' Stevens versionou «Do What You Did» no seu álbum Take One de 1980.[8]
Notas[editar | editar a fonte]
- ↑ 1,0 1,1 "Thurston Harris Songs, Albums, Reviews, Bio & More". All Music (en inglés). Consultado o 3 de xaneiro de 2023.
- ↑ 2,0 2,1 "Rivingtons". Soulfulkindamusic.net. Consultado o 3 de xaneiro de 2023.
- ↑ Murrells, Joseph (1978). The book of golden discs (en inglés) (2ª ed.). Londres: Barrie & Jenkins. p. 92. ISBN 9780214204807.
- ↑ Sahagun, Louis (15 de abril de 1990). "Thurston Harris; Singer of ‘Over and Over’". Los Angeles Times (en inglés). Consultado o 3 de xaneiro de 2023.
- ↑ Rice, Jonathan (1982). The Guinness book of 500 number one hits (en inglés). Guinness Superlatives. p. 46. ISBN 9780851122502.
- ↑ Roberts, David (2006). British Hit Singles and Albums (en inglés). Guinness World Records. pp. 108–109. ISBN 9781904994107.
- ↑ Planer, Lindsay. "The Jackson 5 - Lookin' Through the Windows Album Reviews, Songs & More". AllMusic (en inglés). Consultado o 3 de xaneiro de 2023.
- ↑ Thompson, Dave. "Shakin' Stevens - Take One Album Reviews, Songs & More". AllMusic (en inglés). Consultado o 3 de xaneiro de 2023.