The Jackson 5

Na Galipedia, a Wikipedia en galego.
Saltar ata a navegación Saltar á procura
The Jackson 5
Jackson 5 tv special 1972.JPG
OrixeGary, Indiana, Flag of the United States.svg
Selo(s) discográfico(s)Steeltown, Motown, Philadelphia International, Epic
Na rede
http://www.thejacksons.com/
IMDB: nm1917778 Facebook: jacksons Twitter: Jacksons Instagram: thejacksons MySpace: thejacksons Youtube: UCG16tbsOLv3EsQhhPFOknjQ Souncloud: hayvenhurst Spotify: 2iE18Oxc8YSumAU232n4rW Last fm: The+Jackson+5 Musicbrainz: e5257dc5-1edd-4fca-b7e6-1158e00522c8 Songkick: 422548 Discogs: 41157 Allmusic: mn0000083013 Deezer: 75332 Genius: The-jackson-5 Editar o valor em Wikidata

The Jackson 5, tamén escrito The Jackson Five, e nos últimos anos coñecido simplemente The Jacksons, foi un grupo de música estadounidense orixinario de Gary, Indiana formado baixo a tutela de Joseph Jackson, representante e fundador real do grupo, por cinco dos seus fillos: Jackie, Tito, Jermaine, Marlon e Michael

Sucedeu a outro grupo formado en 1964 polos tres irmáns maiores chamado The Jackson Brothers e estivo activo ata 1990, desenvolvendo un repertorio de R&B, soul, pop e posteriormente disco. Con contrato con Motown Records desde 1968, foi un dos grandes fenómenos da música pop dos 70 e serviu como panca para lanzar as carreiras en solitario de Jermaine e Michael.

Traxectoria[editar | editar a fonte]

Moitos dos seus sinxelos estiveron estiveron nos primeiros postos das listas americanas, tanto dos primeiros tempos "I Want You Back", "ABC", "The Love You Save", e "I'll Be There" como da última época "Mama's Pearl", "Never Can Say Goodbye" ou "Dancing Machine". Moitos dos seus primeiros éxitos escribíronos un equipo especializado de letristas coñecido como "The Corporation", despois a maioría debéronse a Hal Davis, con outros do equipo de Gamble and Huff antes que The Jacksons comezaran a escribir e producir eles mesmos as súas cancións a finais da década de 1970.

Mespois da marca do grupo de Motown a Philadelphia International Records en 1976, The Jacksons 5 tiveron que mudar o seu nome, quedando simplemente en The Jacksons e Jermaine foi substituído por Randy xa que Jermaine decidira quedar en Motown Tras dous anos asinaron un novo contrato con Epic Records que lles permitía ter o control das letras, da produción e da imaxe, e o seu éxito continou na década de 1980 con éxitos como "Shake Your Body (Down to the Ground)", "Lovely One" e "State of Shock". O álbum de 1989 2300 Jackson Street gravouse sen Michael e Marlon e o seu pouco éxito levou á cancelación do contrato coa compañía discográfica a principios do ano seguinte, aínda que o grupo nunca foi disolto formalmente, desapareceu e só se volveu xuntar en dous concertos homenaxe a Michael Jackson en setembro de 2001.