Thee Headcoatees
Thee Headcoatees | |
---|---|
Orixe | Kent, Inglaterra |
Período | 1991 - 1999 |
Xénero(s) | garage rock revival, garage punk |
Selo(s) discográfico(s) | Vinyl Japan, Damaged Goods, Get Hip, Sympathy for the Record Industry |
Membros | Holly Golightly Kyra LaRubia Ludella Black Debbie Green |
Na rede | |
MySpace | |
Thee Headcoatees foi unha banda inglesa de garage formada por mulleres e fundada en Chatham, Kent, en 1991.[1] O grupo foi parte da escena Medway. As súas membros foron Holly Golightly, Kyra LaRubia, Ludella Black e "Bongo" Debbie Green.
Historia
[editar | editar a fonte]Thee Headcoatees foi formada por Billy Childish como un grupo de apoio para a súa banda Thee Headcoats. A banda anterior de Ludella Black, The Delmonas, realizara a mesma función para os anteriores grupos de Childish, comezando con The Milkshakes.[2] As súa cancións estaban principalmente compostas por Billy Childish e eran temas que non encaixaban cos seus propios concertos. Despois de que Holly Golightly fixese un cameo con Thee Headcoats, Childish engadíuna á formación de The Delmonas, e pouco despois a banda pasou a chamarse Thee Headcoatees.
Como banda de apoio, Thee Headcoatees inicialmente só tocaría un feixe de cancións para quentar ao público para Thee Headcoats. O seu tema "Headcoat Girl", aparecido no recompilatorio The Sisters of Suave, incuso indica "I wanna be a headcoat girl" (quero ser unha rapaza headcoat). En 1991 a banda lanzou o seu primeiro álbum, Girlsville, a través do selo Hangman Records. Estaba formado por cancións escritas por Billy Childish e versións de temas de The Kinks ("Last Plane Home"), The Beatles ("Run For Your Life"), The Tamrons ("Wild Man") e máis. En 1998 Debbie Green marchou da banda, quedando reducida a un trío para o seu derradeiro álbum, Here Comes Cessation. Thee Headcoatees continuaron xirando con Thee Headcoats ata a súa disolución en 1999.[3]
Discografía
[editar | editar a fonte]Álbums
[editar | editar a fonte]Álbum | Ano | Selo |
---|---|---|
Girlsville | 1991 | Hangman Records |
Have Love Will Travel | 1992 | Vinyl Japan |
Ballad of the Insolent Pup | 1994 | Vinyl Japan |
Bozstik Haze | 1997 | Vinyl Japan |
Punk Girls | 1997 | Sympathy for the Record Industry |
Here Comes Cessation | 1999 | Vinyl Japan |
Notas
[editar | editar a fonte]- ↑ "Thee Headcoatees Songs, Albums, Reviews, Bio & More". AllMusic (en inglés). Consultado o 2024-01-12.
- ↑ "The DELMONAS". Damaged Goods (en inglés). Consultado o 2024-01-12.
- ↑ "THEE HEADCOATEES". Damaged Goods (en inglés). Consultado o 2024-01-12.