Terapóntidos

Terapóntidos
Nome taxon     Terapontidae John Richardson 1842
Instancia de taxon  Categoría taxonómica familia  Sinónimo taxonómico Theraponidae Teraponidae
Clasificación taxonómica
Superreino Holozoa Reino Animalia Filo Chordata Clase Actinopteri Orde Centrarchiformes Familia Terapontidae Richardson, 1842 Terapontidae
Fontes e ligazóns Freebase /m/0c40f5 ITIS 650201 OTT 1089730 CoL KVV3V EOL 5198
Wikidata C:Commons

Terapon jarbua

Os terapóntidos ( Terapontidae; tamén recollido como Teraponidae, Theraponidae ou Therapontidae ) son unha familia de peixes perciformes pertencentes á suborde Percoidei.

O nome procede do grego tera, -atos: monstruoso, estraño; e pontios, mariño.

Morfoloxía

Son de corpo alargado, lixeiramente comprimido lateralmente. Alcanza tamaños de ata 80 cm. No opérculo presentan dúas espiñas; preopérculo serrado.

A aleta dorsal está dividida nunha primeira parte de 11-13 raios espiñosos e unha segunda con 9-11 raios brandos; a parte espiñosa é depresible nunha bolsa basal. Na aleta anal, 3 raios espiñosos seguidos de 7-10 raios brandos. As aletas pelvianas insírense por detrás da base das pectorais e posúen unha espiña e 5 raios brandos. A caudal é redondeada ou truncada.

A liña lateral, continua e sen interrupcións, segue o perfil dorsal ata alcanzas a aleta caudal.

Hábitat e bioloxía

Inclúe especies mariñas pero tamén de augas salobres e de auga doce, distribuídas polos mares do Indo-Pacífico.

Aliméntase de peixes, algas e pequenos invertebrados.

Taxonomía

Segundo WORMS divídese nos seguintes xéneros:

• Amniataba
• Bidyanus
• Hannia
• Helotes
• Hephaestus
• Lagusia
• Leiopotherapon
• Mesopristes
• Pelates
• Pelsartia
• Pingalla
• Rhynchopelates
• Scortum
• Syncomistes
• Terapon
• Variichthys

Véxase tamén

Ligazóns externas

• Ficha en FishBase