Tempeh

Na Galipedia, a Wikipedia en galego.
Saltar ata a navegación Saltar á procura
Tempeh
Un anaco de tempeh cru.

O tempeh[1] (/ˈtɛm.peɪ/, pronunciado "tem-pei") é un produto alimenticio orixinario de Indonesia, de sabor forte, que se obtén da fermentación das sementes da soia branca co fungo Rhizopus oligosporus.

Ten forma de pastel cun aroma a noz e cunha textura mesta e lixeiramente carnuda. Constitúe un alimento forte, cun sabor máis intenso ca outros derivados da soia. A acción das encimas durante a fermentación fan que as sementes sexam máis dixeríbeis, mentres o micelio que é utilizado para as envolver fornece valiosas vitaminas do complexo B de orixe vexetal (130 % das necesidades diarias).

É especialmente popular na illa de Xava, onde se considera un alimento sinxelo que fornece proteínas á dieta normal. É posíbel atopalo noutras gastronomías do sueste asiático igualmente. Ao igual que o tofu, o tempeh está elaborado de grans de soia, porén o tempeh ten outras características nutricionais e de textura. O proceso de fermentación da soia retén todas as proteínas, posúe máis fibra e vitaminas comparado co tofu, así coma unha textura máis firme e forte sabor. Por mor do seu valor nutricional[Cómpre referencia] emprégase internacionalmente nas dietas vexetarianas coma un sucedáneo de carne.

Utilizado coma reconstituínte da flora intestinal e como eficaz favorecedor do tránsito intestinal.[Cómpre referencia]

Nutrición[editar | editar a fonte]

A proteína da soia no tempeh comeza a ser máis dixestivo como resultado do proceso de fermentación.[Cómpre referencia] En particular, os oligosacáridos que se asocian frecuentemente cos gases e a indixestión, todos estes efectos redúcense mediante a cultura do Rhizopus. Nas formas tradicionais de elaboración do tempeh facíase que a bacteria que elaboraba a vitamina B12 estivese presente durante o proceso.[Cómpre referencia] Nos países da cultura occidental é moi común o emprego da Rhizopus oligosporus.

Tipos de Tempeh[editar | editar a fonte]

Nome Descrición
tempe bongkrèk elaborado con coco pastel prensado]
tempe bosok (busuk) tempeh descomposto, empregado en pequenas cantidades como saborizante
tempe gembus elaborado de okara
tempe gódhóng tempeh elaborado coas follas da bananeira
tempe goreng tempeh fritido
tempe mendoan lixeiramente fritido
tempe kedelai simplemente tempeh, elaborado de soja
tempe murni tempeh elaborado en envoltorios de plástico (lit. pastel puro de soia)
tempe oncom tamén onchom; elaborado de cacahuete pastel prensado; de cor laranxa; Neurospora sitophila

Notas[editar | editar a fonte]

  1. Nome galego e definición en Dicionario de alimentación e restauración, VV. AA. (2012), Santiago de Compostela, Termigal. Xunta de Galicia. Real Academia Galega

Véxase taqmén[editar | editar a fonte]

Outros artigos[editar | editar a fonte]

Bibliografía[editar | editar a fonte]

  • Shurtleff, William, and Akiko Aoyagi. 1979 1985. The book of tempeh. Nova York: Colophon Books. ISBN 0-06-091265-0.

Ligazóns externas[editar | editar a fonte]