Teais

Teais S.A.
	; Sede de Teais, Sabón.
Tipo	Sociedade Anónima
Localización	Avda. da Enerxía, nº 156, Polígono industrial de Sabón; 15142 Arteixo
Persoas clave	Ernesto Antelo Pensado (Presidente)
Industria	Química
Produtos	Pinturas; Adhesivos; Morteiro
	[ editar datos en Wikidata ]

Teais é unha empresa galega fundada en Arteixo dedicada á fabricación e comercialización de produtos e sistemas especiais para a construción e a industria. Vende os seus produtos en máis de 40 países.

Historia[editar | editar a fonte]

Teais inicia as súas actividades hai máis de 30 anos^[cando?] fabricando produtos de impermeabilización. O éxito e a calidade da empresa fixeron que o negocio medrase ampliando á fabricación de pinturas, adhesivos, formigóns especiais, ferramentas e outros produtos para a construción^[1].

Ten unha fábrica de 10.000 m² nunha parcela de 24.000 m² no polígono de Sabón. Nos últimos anos^[cando?] abriu delegacións e fábricas con acordos con empresas locais doutros países.

En 2010 chegou a un acordo con investidores para crear unha joint venture ou empresa conxunta, co nome de TEAIS Tunisie para vender e fabricar os seus produtos no norte de África^[2]. Logo do terremoto de Lorca de 2011, a empresa ofreceuse a doar aos habitantes da vila murciana tódalas grampas necesarias para reparar as gretas dos edificios^[3].

Os produtos que ofrece son adhesivos, aditivos, illamentos, desencofrantes, emplastes e morteiros especiais, limpadores, impermeabilizantes, disolventes, pavimentos, revestimentos, imprimacións, pinturas, produtos para madeira, liña naval, masillas e ferramentas.