Soiuz 33
| Soiuz 33 | |
|---|---|
 Logo da misión Soiuz 33 | |
| Tipo | Tripulada |
| Data de lanzamento | 10 de abril de 1979, 17:34 GMT[1][2][3][4] |
| Foguete portador | Soiuz U[2][5] |
| Sitio de lanzamento | Cosmódromo de Baikonur[2][6] |
| Duración da misión | 1,96 días[6] |
| Obxectivo da misión | Acoplamento coa estación espacial Saliut 6.[2][6] |
| Regreso | 12 de abril de 1979, 16:35 GMT[1][6] |
| NSSDC ID | 1979-029A |
| Masa | 6000,0 kg[2][5][6] |
Soiuz 33 foi unha misión espacial tripulada soviética lanzada o 10 de abril de 1979 mediante un foguete Soiuz U desde o cosmódromo de Baikonur.[2][3][5]
Características
[editar | editar a fonte]Soyuz 33, unha Soiuz modelo 7K-T cos cosmonautas Nikolai Rukavishnikov e Georgi Ivanov (primeiro cosmonauta búlgaro) a bordo, foi lanzada para acoplarse coa estación espacial Saliut 6 nunha misión do programa Interkosmos. O acoplamento fallou debido a un problema co motor principal da nave Soiuz : a 4 km de distancia da estación a nave acendeu o seu motor no que deberían ser 6 segundos de ignición, pero apagouse aos 3. O sistema Igla de acoplamento automático tamén fallou. Os tripulantes da estación, observando a manobra, informaron de lapas saíndo dos laterais do motor, polo que o control de terra decidiu abortar o achegamento e que a Soiuz 33 regresara a terra canto antes. A nave usou o motor de reserva, para o cal tiña que ter funcionado durante 188 segundos, período ao final do cal non se apagou automaticamente. Rukavishnikov e Ivanov, inseguros sobre se o motor funciora co pulo adecuado, o deixaron funcionar durante 25 segundos máis antes de detelo manualmente. Como consecuencia, a cápsula tripulada reentrou nun ángulo máis acusado do habitual, no que se denomina reentrada balística, sometendo aos cosmonautas a unha forza de ata 10 G. A cápsula tocou terra ás 16:35 GMT. O motor avariado non puido ser analizado debido a que a sección que o contiña foi exectada como parte normal do procedemento de reentrada atmosférica, polo que os enxeñeiros non conseguiron aclarar a orixe do problema e, temendo que fose un problema que tamén afectara á nave Soiuz 32 da tripulación en órbita na Saliut 6, decidiron enviar a nave Soiuz 34, non tripulada, como nave de substitución para os cosmonautas da estación.[2][3][4][5]
Notas
[editar | editar a fonte]- 1 2 N2YO (2017). Real Time Satellite Tracking, ed. "SOYUZ 33" (en inglés). Arquivado dende o orixinal o 10 de setembro de 2017. Consultado o 10 de setembro de 2017.
- 1 2 3 4 5 6 7 NASA (21 de marzo de 2017). "Soyuz 33" (en inglés). Consultado o 10 de setembro de 2017.
- 1 2 3 "Note verbale dated 13 July 1979 from the Permanent Mission of the Union of Soviet Socialist Republics to the United Nations addressed to the Secretary-General" (PDF) (79-19421). 20 de xullo de 1979: 4. Arquivado dende o orixinal (PDF) o 10 de setembro de 2017. Consultado o 10 de setembro de 2017.
- 1 2 Claude Lafleur (2017). "Soyuz 33" (en inglés). Consultado o 10 de setembro de 2017.
- 1 2 3 4 Gunter Dirk Krebs (2017). Gunter's Space Page, ed. "Soyuz 12, 17, 18, 21, 25 - 29, 31 - 40 (7K-T, 11F615A8)" (en inglés). Consultado o 10 de setembro de 2017.
- 1 2 3 4 5 Mark Wade (2017). "Soyuz 33" (en inglés). Consultado o 10 de setembro de 2017.
Véxase tamén
[editar | editar a fonte] |
Wikimedia Commons ten máis contidos multimedia na categoría: Soiuz 33  |
