Skyline é un filme estadounidense de ficción científica dirixido por Colin Strause e Greg Strause que se estreou en 2010. Foi coproducido e escrito por Liam O'Donnell.[1] Está protagonizado por Eric Balfour, Scottie Thompson, Brittany Daniel, Crystal Reed, David Zayas e Donald Faison, no papel dun grupo de residentes da cidade dos Ánxeles que son testemuñas dunha invasión alieníxena.[2] O filme estreouse o 12 de novembro de 2010 nos cinemas dos Estados Unidos. Malia as valoracións negativas da crítica, Skyline foi un éxito de recadación, conseguindo 68 millóns de dólares en todo o mundo sobre un orzamento de 10–20 millóns.
Skyline tivo dúas secuelas, Beyond Skyline (2017)[3] e Skylines (2020). Ámbolos dous filmes foron escritos e dirixidos por O'Donnell, e producidos por O'Donnell, os irmáns Strause e Matthew E. Chausse.
Despois dunha noite de troula, un grupo de amigos esperta no medio da noite debido a unha luz misteriosa que sae da xanela. A luz debuxa lixeiramente a imaxe de persoas que logo desaparecen. Así descubrirán que unha forza doutro mundo está engulindo a toda a poboación da Terra. Este grupo de superviventes deberá loitar pola súa vida mentres o mundo enteiro esvaécese ó seu redor.
