Siervo González Rivas
| Biografía | |
|---|---|
| Nacemento | 1886  Mondoñedo, España |
| Morte | 11 de xaneiro de 1938 (51/52 anos) Mondoñedo, España |
| Lugar de sepultura | cemiterio vello de Mondoñedo |
| Datos persoais | |
| País de nacionalidade | España |
| Actividade | |
| Ocupación | sindicalista |
| Membro de | |
| Lingua | Lingua castelá |
Siervo González Rivas, nado en Mondoñedo en 1886 e finado no mesmo concello o 11 de xaneiro de 1938, foi un sindicalista e político galego.
Traxectoria
[editar | editar a fonte]Funcionario municipal do concello de Mondoñedo, era recadador de arbitrios. Na Segunda República Española foi dirixente do Sindicato Único de Profesiones Varias de Mondoñedo (CNT) e elixido presidente da Comisión Inspectora da Oficina Local de Colocación Obrera en 1934.
Nas eleccións de 1933 presentouse como candidato pola Unión Socialista Galega pola provincia de Lugo. Foi dirixente do Partido Sindicalista en 1936. Logo do golpe de Estado do 18 de xullo de 1936 foi sometido a depuración e expulsado do seu posto.
Foi asasinado en Mondoñedo o 11 de xaneiro de 1938, xunto con Graciano Paz Amieiro e Manuel Rodríguez Núñez. Os seus cadáveres apareceron na Travesa dos Remedios.
Véxase tamén
[editar | editar a fonte]Ligazóns externas
[editar | editar a fonte]- "Mondoñedo 1934" in Mondoñedo
- Ficha en Represión franquista en Lugo
- Siervo González Rivas na base de datos do proxecto Nomes e voces.