Shawn Bradley

Shawn Bradley
Shawn Bradley en 2008
Posición	Pivote
Dorsal	76, 45, 44
Altura	2,29 m (7 ft 6 in)
Peso oficial	125 kg (275 lb)
Nacemento	22 de marzo de 1972 (49 anos) Landstuhl, Alemaña Occidental
Carreira
Universidade	Brigham Young
NBA Draft	1993 / Rolda: 1 / Elección: 2 Por Philadelphia 76ers
Tempadas	1993–2005
Equipo(s)
Philadelphia 76ers (1993–1995) New Jersey Nets (1995–1997) Dallas Mavericks (1997–2005)
Estatísticas (NBA)
Puntos	6 752 (8,1 pp)
Rebotes	5 268 (6,3 pp)
Tapóns	2 119 (2,5 pp)
Stats @ Basketball-Reference.com
Premios
1× Máximo taponador (1997)

Shawn Paul Bradley, nado o 22 de marzo de 1972 en Landstuhl, Renania-Palatinado (daquela Alemaña do Oeste) é un ex xogador de baloncesto con nacionalidade xermano-estadounidense da National Basketball Association (NBA). Cos seus 2,29 metros de estatura, foi un xogador lento, pero de gran manexo do tempo, sobre todo na face defensiva do xogo.

Traxectoria

Xogou na Universidade de Brigham Young, aínda que só o fixo durante unha tempada, xa que tomou a decisión de pasar dous anos nunha misión mormoa en Australia. Foi seleccionado na segunda posición por Philadelphia 76ers no Draft da NBA de 1993. A partir do seu inicio como xogador profesional da NBA situouse como un dos grandes taponadores de todos os tempos.

Ao longo da súa carreira fixo total de 2.119 en tan só 832 partidos, cunha media 2.55 tapóns por encontro ao longo de toda a súa carreira, unha das máis altas da historia da NBA. Xogou en Philadelphia 76ers, New Jersey Nets e por último para Dallas Mavericks, equipo no cal anunciou a súa retirada en 2005, deixando atrás un historial de dezaseis tempadas como profesional. Ao finalizar a súa carreira, fíxoo sendo dono de varios records para os equipos nos que xogou na estatística de tapóns, e posúe unha estraña marca na historia da liga: é o único xogador que bloqueou 10 ou máis lanzamentos en dous partidos consecutivos, e fíxoo en dúas ocasións diferentes.

Curiosidades

• No seu periplo cos Dallas Mavericks formou un gran vínculo de amizade co alemán Dirk Nowitzki, o cal convenceu a Bradley para xogar o Europeo do 2003 con Alemaña. Bradley, grazas a esta boa amizade, conseguiu a nacionalidade xermana, e esta aventura á beira do seu novo compatriota dos Mavericks terminou cun bronce.
• Apareceu na película "Space Jam" xunto con outros xogadores da NBA, como Charles Barkley, Patrick Ewing ou o mesmo Michael Jordan.

Véxase tamén

Ligazóns externas

• Perfil histórico en nba.com
• Estatísticas de Shawn Bradley