Samuel Reshevsky

Para describir os movementos das pezas de xadrez neste artigo usouse a notación alxébrica.

Samuel Reshevsky

Biografía
Nacemento	(mul) Szmul Rzeszewski 26 de novembro de 1911 Ozorków
Morte	4 de abril de 1992 (80 anos) Nova York
Educación	Universidade de Chicago
Actividade
Campo de traballo	Xadrez e contabilidade
Ocupación	xadrecista, Guarda-livros (pt) , xornalista, deportista
Nacionalidade deportiva	Estados Unidos
Deporte	xadrez
Título de xadrecista	Gran Mestre (1950)
Participou en
1974	Olimpíada de xadrez de 1974
1970	Olimpíada de xadrez de 1970
1968	Olimpíada de xadrez de 1968
1964	Olimpíada de xadrez de 1964
1958	Olimpíada de xadrez de 1958
1952	Olimpíada de xadrez de 1952
1950	Olimpíada de xadrez de 1950
1937	Olimpíada de xadrez de 1937
Descrito pola fonte	Moskovskaia entsiklopedia: Litsa Moskvi

Samuel Herman Reshevsky, nado o 26 de novembro de 1911 en Ozorkow (Polonia) e finado o 4 de abril de 1992, en Nova York, Estados Unidos, foi un xogador de xadrez. Foi un dos máis fortes grandes mestres de América e do mundo.

Traxectoria

Infancia

Aprendeu a xogar á idade de 4 anos e foi un neno prodixio do xadrez. Á idade de 8 anos xa derrotaba a experimentados xogadores de máis idade en exhibicións de simultáneas.

Na década de 1920 os seus pais trasladáronse aos Estados Unidos onde se gañaron a vida co talento do seu fillo. Reshevsky, de maior, graduouse na Universidade de Chicago en 1933 en Contabilidade, e traballou como contable.

Mocidade

Reshevsky gañou os campionatos dos Estados Unidos en 1936, 1938, 1940, 1942, 1946, 1969 e 1970. A súa carreira internacional comezou en 1935 en Margate, onde logrou o primeiro lugar derrotando entre outros a Capablanca. Un ano máis tarde compartiu o terceiro posto en Nottingham. En 1937 compartiu o primeiro posto en Kemeri, Letonia, e en 1938 compartiu o cuarto posto no torneo da AVRO.

Campionatos do mundo e olimpíadas

Foi un dos 5 grandes mestres que competiron polo Campionato do Mundo no match-torneo de 1948 e terminou empatado no terceiro posto con Paul Keres. Logo foi segundo no torneo de candidatos de Zürich en 1953. Tamén clasificouse para o ciclo de candidatos no interzonal de Sousse, pero perdeu nos cuartos de final contra Viktor Korchnoi en 1968.

Participou regularmente coa selección estadounidense nas Olimpíadas de xadrez. Gañou o ouro en 1937 e o bronce en 1974 e o ouro individual en 1950. En total participou en 8 olimpíadas.

Véxase tamén

Ligazóns externas

• Samuel Reshevsky en ChessGames.com
• 45 posicións críticas de nas súas partidas (en inglés)
• New York Times obituary (en inglés)
• Campións de xadrez dos EEUU páxina da federación de xadrez dos EUA. (en inglés)