Sakura (árbore)

Na Galipedia, a Wikipedia en galego.
Prunus sp. no parque Takaoka Kojo.
Vista de varias flores dunha árbore de cerdeira en Fukushima, Xapón.

A sakura (桜 ou さくら?) ou cerdeira en flor xaponesa, é un dos símbolos máis coñecidos da cultura xaponesa. Tamén se nomea sakura a tres especies de plantas do xénero Prunus.

A cerdeira florece durante a primavera. No Xapón realízase o festival do hanami (花見?) na súa honra debido a que é a súa flor máis significativa (pero non a oficial, que é o crisantemo); durante este os familiares e amigos reúnense nos parques con cerdeiras baixo a sombra das mesmas e, a modo de picnic, comparten alimentos mentres celebran a aparición das flores. O curso académico do Xapón empeza xusto despois do final da festividade.

Durante o ano as árbores de cerdeira permanecen unicamente forradas de follas, e están espidas no inverno, mais cara o inicio da primavera florecen, decorando os parques coa súa aparencia de nubes rosadas e brancas.

As sakuras son un elemento simbólico común na cultura popular do Xapón, onde teñen múltiples significados relacionados. A imaxe dos pétalos destas flores caídos en masa ao principio da primavera, especialmente en abril, simboliza a beleza da natureza e o valor que a fugacidade da existencia outorga á vida.

Variedades[editar | editar a fonte]

  1. Kikuzakura do Kenrokuen (兼六園菊桜?) é o tipo de sakura que se atopa unicamente no parque Kenroku.