Sabino González Besada
| Biografía | |
|---|---|
| Nacemento | 1824  Tui, España |
| Morte | 28 de xullo de 1898 (73/74 anos) Pontevedra, España |
 Presidente da Deputación de Pontevedra | |
| 1896 – 1898 ← Eugenio Fraga Mascató – Gumersindo Otero García → | |
| Gobernador civil de Pontevedra | |
| | |
| Datos persoais | |
| País de nacionalidade | España |
| Actividade | |
| Ocupación | político |
| Lingua | Lingua castelá |
Familia | |
| Pai | Juan González Besada |
| Irmáns | Rafael González Besada e Basilio González Besada |
Sabino González Besada Vidal, nado en Tui en 1824 e finado en Pontevedra o 28 de xullo de 1898,[1] foi un avogado e político galego.
Traxectoria
[editar | editar a fonte]Fillo de Juan González Besada, era membro dunha das familias máis poderosas de Pontevedra, irmán de Basilio e Rafael González Besada que foron deputados provinciais e tío de Augusto González Besada, varias veces ministro. Foi oficial e secretario do Goberno civil e da Deputación de Pontevedra. Xunto co seu irmán Basilio formou parte do núcleo de investidores da MZOV, da que xa era delegado a principios do Sexenio. Foi xuíz de primeira instancia en Caldas e Ponte Caldelas. Casou con Felisa Jalón Rey Caamaño. Foi Comendador da Orde de Carlos III desde 1878.
Política
[editar | editar a fonte]Membro do Partido Conservador e home de confianza de José Elduayen, estableceu bufete na cidade de Pontevedra e practicamente non vai deixar de formar parte da Deputación Provincial de Pontevedra como deputado por varios distritos (Pontevedra en 1871; A Estrada en 1873, 1877 e 1878 e Ponteareas-A Cañiza en 1886 e 1896) e desempeñando os cargos de Secretario e Vicepresidente. Foi Secretario do Goberno Civil, Gobernador civil da provincia en dúas ocasións (1884-85 e 1890-1892) e presidente da Deputación (1896-1898).
| Predecesor: Eugenio Fraga Mascató |
 Presidente da Deputación de Pontevedra 1896 - 1898 |
Sucesor: Gumersindo Otero García |
Vida persoal
[editar | editar a fonte]Casou con Josefa Jalón Rey e foi pai de Ángela e Amalia González Besada Jalón.
Notas
[editar | editar a fonte]- ↑ Necrolóxica en Diario de Pontevedra, 29-7-1898, p. 2, 3.
Véxase tamén
[editar | editar a fonte]Bibliografía
[editar | editar a fonte]- En torno ó elduayenismo: reflexións sobre a política clientelista na provincia de Pontevedra. 1856-1879 Felipe Castro Pérez en Documentos de Traballo. Historia; 13.