SUSE
| SUSE | |
|---|---|
 | |
| Tipo | Subsidiaria |
| Matriz | EQT Partners |
| Localización | Fundada en Nürnberg, subsidiaria de Microfocus en Londres |
| Fundador | Roland Dyroff, Thomas Fehr, Hubert Mantel e Burchard Steinbild |
| Industria | Informática |
| Produtos | SUSE Linux Enterprise, SUSE Manager, SUSE OpenStack Cloud, SUSE Enterprise Storage, SUSE Studio |
| Beneficio | 231.6 millóns € en 2016 [1] |
| Número de empregados | 750 |
| Na rede | |
| https://www.suse.com/ | |
     | |
| [ editar datos en Wikidata ] | |
SUSE é unha multinacional alemá adicada á venda de produtos empresariais baseados en Linux e desenvolvemento de código aberto e libre. Fundouse en 1992 e foi a primeira compañía en distribuír Linux para o sector empresarial. SUSE é a principal patrocinadora do "proxecto openSUSE", que desenvolve a distribución openSUSE. A compañía é unha empresa subsidiaria da Micro Focus International.
Produtos[editar | editar a fonte]
- Véxase tamén: SUSE Linux Enterprise.
SUSE desenvolve a plataforma "SUSE Linux Enterprise" para emprego en servidores e escritorio. O primeiro lanzamento desta edición comercial foi a plataforma "SUSE Linux Enterprise 10" en 2006.
Servidor[editar | editar a fonte]
A principal distribución para servidores Linux de SUSE é SUSE Linux Enterprise Server. Está deseñada para grandes organizacións e para ser empregada en ambientes físicos, virtualizados ou con acceso remoto (na "nube"). Todas as versións están preparadas para diferentes arquitecturas de procesadores, como Intel x86, ARM, AMD x86-64, IBM Power, IBM S/390 e a zSeries, ou Intel Itanium. A web de SUSE ten versións de proba das versións SUSE Linux Enterprise Server 11 e 12.
Produtos baseados no servidor[editar | editar a fonte]
- Servidor SUSE Linux Enterprise para aplicacións SAP Applications[2]
- Punto de servizo SUSE Linux Enterprise, deseñado para sistemas operativos da industria da distribución e que inclúe versións de Linux específicas de puntos de puntos de acceso e servidores en tenda.
- Computación de alto rendemento con SUSE Linux Enterprise,[3] , infraestrutura para supercomputadoras.
- Extensión para clusters de alta capacidade con SUSE Linux Enterprise High Availability Extension[4]
- Sistema operacional en tempo real con SUSE Linux Enterprise
Edicións especiais do servidor[editar | editar a fonte]
SUSE Linux Enterprise Server (SLES) ten varias edicións derivadas do produto de servidor e creadas para contextos específicos de colaboradores.
- SLES para VMware[5] , que se incluía en VMware vSphere (agora xa non fóra do mercado)
- SLES para Amazon EC2[6]
- SLES para Microsoft Azure[7]
- SLES para Raspberry Pi
Edicións para o escritorio[editar | editar a fonte]
No grupo de edicións para o escritorio, a súa principal distribución é SUSE Linux Enterprise Desktop. É a sucesora de "Novell Linux Desktop".
SUSE ten dispoñible engadidos para SUSE Linux Enterprise Server que ofrecen capacidades da versión de escritorio.[8]
A suite ofimática LibreOffice distribúea SUSE e comercialízaa como parte de SUSE.[9]
Xestión e computación na nube[editar | editar a fonte]
SUSE ten varios produtos para a xestións de software e servizos na nube:
- "SUSE OpenStack Cloud", unha plataforma de computación automatizada na nube baseada en OpenStack. Serve para implementar e xestionar "infraestrutura como servizos" en espazos privados en liña.
- "SUSE Manager", unha ferramenta de xestión de servidores Linux baseada en Spacewalk. Serve para o empaquetado, parcheado, provisión e monitorización de servidores.
- "SUSE Enterprise Storage", unha ferramenta baseada de Ceph para o emprego eficiente e escalable do espazo en servidores e os seus discos duros.
- "SUSE Studio"[10], é un servido web gratuíto para construír imaxes que conteñen sistemas operativos coa súa configuración, aplicacións e datos.
Notas[editar | editar a fonte]
- ↑ Sabbagh, M. Hanny (11 de xaneiro de 2017). "Insights on RedHat, SUSE & Canonical; The Major Linux Companies". FOSS Post. Arquivado dende o orixinal o 15 de setembro de 2019. Consultado o 5 de maio de 2017.
- ↑ "SUSE Linux Enterprise Server for SAP Applications".
- ↑ "SLE High Performance Computing".
- ↑ "SLE High Availability Extension".
- ↑ "SLES for VMware". Arquivado dende o orixinal o 15 de setembro de 2019. Consultado o 05 de maio de 2017.
- ↑ "SLES for Amazon EC2".
- ↑ "SUSE for Azure".
- ↑ ""SUSE Linux Enterprise Workstation Extension".
- ↑ "SUSE Partners with Collabora to Deliver Commercial LibreOffice Support".
- ↑ "SUSE Studio On-line". Arquivado dende o orixinal o 22 de maio de 2017. Consultado o 05 de maio de 2017.
