SEAT 600

SEAT 600
Instancia de modelo de automóbil
Subclase de Segmento A Automóbil de turismo
Produción
Marca SEAT S.A.
Fabricante SEAT S.A.
Características
Impulsado por motor de gasolina
Dimensión
Altura 1.350 mm Anchura 1.380 mm Masa 580 kg
Cronoloxía
Sucedido por SEAT 850 (pt)
Localización
País España
Identificadores
Freebase /m/0424v6
Fontes e ligazóns
Redes
Wikidata C:Commons

O SEAT 600 é un modelo de automóbil de turismo cativo do segmento A, producido polo fabricante español SEAT entre os anos 1957 e 1973, copiando o deseño do FIAT 600.

Historia e características

Foi o segundo modelo comercializado pola marca española tralo SEAT 1400. O SEAT 600 pertence ó segmento de vehículos con motor traseiro, tracción traseira e dúas portas.

O primeiro coche deste modelo saíu da fábrica de Barcelona o 27 de xuño de 1957, a un prezo de venda de 60.000 pesetas (o salario medio daquela rondaba as 50.000 pesetas anuais). O último foi fabricado o 3 de agosto de 1973. A primeira serie tiña portas de abertura inversa.

O motor orixinal de gasolina tiña 4 cilindros en liña, 633 cc e producía 21'5 cabalos de potencia. En 1963 saíu ó mercado o modelo 600D, que contaba cun motor de 767 cc que entregaba 29 cabalos.

Na época na que estivo no mercado, tiña como principais rivais ó Citroën 2CV, ó Volkswagen Escaravello, ó Renault 4 ou ó Mini.

Do SEAT 600 producíronse case 800.000 unidades.

Véxase tamén

Ligazóns externas

• Seiscientos.org Arquivado 04 de decembro de 2020 en Wayback Machine. (en castelán)
• SEAT 600 en MuseoSEAT.com (en castelán)