Citroën 2CV

Citroën 2CV
(2016) (2013)
Instancia de modelo de automóbil serie de modelos de automóbiles
Características  Marca Citroën  Impulsado por motor de gasolina
Implicados  Deseñador/a Flaminio Bertoni  Fabricante Citroën
Datas  Descontinuación 1990
Historia  Sucedido por Citroën Acadiane
Localización  Lugar de creación Levallois-Perret
Cifras e dimensións  Total producido    3.867.932  Altura 1.600 mm 64 in  Anchura    1.480 mm  Lonxitude    3.830 mm  Masa 560 1.060 lb  Distancia eixes 2.400 mm 8 pés  Vía do eixe    50,4 in
Códigos e identificadores Freebase /m/0lmf9
Wikidata G:Commons C:Commons

O Citröen 2CV (do francés: deux chevaux vapeur, literalmente «dous cabalos de vapor»; chamado popularmente Dous Cabalos) foi un modelo de automóbil de baixo custo creado pola compañía francesa Citroën. Foi presentado á prensa no Salón do Automóbil de París en 1948 cun motor de 375 cc. Máis adiante tivo melloras, como un novo motor de 425 cc en 1955 e outro de 602 cc en 1966. O derradeiro 2CV fabricouse o 27 de xullo de 1990. Na factoría de Citroën en Vigo estivo en produción entre os anos 1959 e 1984.

Vendéronse un total de 5 114 969 unidades.

Historia

A creación do Citroën 2CV débese primeiramente ao enxeñeiro francés Pierre Jules Boulanger, que iniciara o desenvolvemento do TPV, acrónimo en francés de Très Petite Voiture (Vehículo moi pequeno).

A idea de creación, baseábase nun "vehículo polo campo que tivese espazo dabondo para dous agricultores, coas súas botas, un saco de 50 kg de patacas, capaz de chegar a 60 km/h e consumir como moito 3 L de combustíbel".

Os creadores, baixo a dirección de André Lefebre, foron o italiano Flaminio Bertoni, responsábel do deseño da carrozaría, e o enxeñeiro Alphonse Forceau, deseñador da suspensión que é unha parte esencial na filosofía dos "dous cabalos". No ano 1939 fabricáronse 250 prototipos do TPV.

Durante a ocupación alemá de Francia na segunda guerra mundial mantívose o proxecto en segredo.

O 8 de outubro de 1948 no Salón do Automóbil de París presentouse por primeira vez a versión do TPV tal como se coñece hoxe en día, cun motor de dous cilindros refrixerado por ar de aproximadamente 350 cc e unha potencia de 9 CV.

En España, empezouse a montar en xaneiro de 1959 cun motor de 425 cc que tiña 12,5 CV SAE. Cos anos, foi evolucionando até chegar a unha potencia de 18 CV en 1963.

No ano 1988, a produción dos 2CV parouse na planta francesa de Levallois-Perret. O derradeiro exemplar do 2CV, un Charleston co número de bastidor VF7AZKA00KA376002, fabricouse o 27 de xullo de 1990 na planta portuguesa de Mangualde, un feito que marcou a fin da historia da produción do Citroën 2CV.

Citroën 2CV furgoneta

Unha furgoneta Citroën 2CV AK400 de 1978.

Citroën comercializou o 2 CV tamén en versión industrial. Comezou coa fabricación entre 1951 e 1956 da versión AU, con motor de 375 cc. En 1954 apareceu a AZU (250) cun motor de 425 cc desenvolvendo numerosos cambios até 1978, mentres que paralelamente, en 1963 comezouse a fabricar a AK350, sendo unha das maiores diferenzas na caixa, con máis volume e cos paneis lisos ideados para inserir publicidade.

A AZU (250) foi o primeiro modelo fabricado na factoría de Vigo. Fabricáronse 106.005 unidades que se vendían por un prezo aproximado de 91.000 pesetas.

A súa fabricación durou até 1970, cando foi substituída pola AK400, con maior capacidade de carga, sendo finalizada a súa fabricación en 1978 coa aparición da súa substituta entre 1978 e 1987 do modelo AYU (Dyane 6-400 ou Acadiane), que non era máis que a versión industrial do Dyane 6.

Véxase tamén

Outros artigos

• Citroën Dyane

Ligazóns externas

• 2CV Racing Championship (en inglés).
• Páxina española de Citroën (en castelán).
• Páxina española de Citroën 2cv, Dyane, Mehari, Ami, C-8,... (en castelán).