Rosa Gómez Limia
| Biografía | |
|---|---|
| Nacemento | 1943  (80/81 anos)Barbantes, España |
| Datos persoais | |
| País de nacionalidade | España |
| Educación | Universidade de Santiago de Compostela |
| Actividade | |
| Ocupación | política |
| Lingua | Lingua castelá |
Rosa Gómez Limia, nada en Barbantes (Punxín) en 1943, é unha política galega.
Traxectoria[editar | editar a fonte]
Perito mercantil. Foi candidata do PSdeG-PSOE á alcaldía de Mugardos nas eleccións municipais de 1979, 1983 e 1987. Nesa última ocasión foi a candidatura máis votada, pero non logrou a alcaldía dado o pacto entre o PTG-UC, BNG e Esquerda Unida, que permitiu seguir a Manuel Fariña Doval na alcaldía[1]. Foi candidata ao Parlamento de Galicia pola provincia da Coruña nas eleccións autonómicas de 1985 polo PSdeG; non resultou elixida, pero tomou posesión como parlamentaria o 20 de decembro de 1988 logo da renuncia de Jesús Mosquera Sueiro. Posteriormente licenciouse en Xornalismo na Universidade de Santiago de Compostela (2002). Xuíza de paz en Teo dende 2011, é presidenta da asociación Teenses pola Igualdade. Entre os seus artigos están "A prostitución en Galicia, un problema sen resolver" e "100 Mulleres Galegas artistas emerxentes".[2]
Notas[editar | editar a fonte]
Véxase tamén[editar | editar a fonte]
Ligazóns externas[editar | editar a fonte]
- Entrevista Arquivado 15 de setembro de 2019 en Wayback Machine. en El Correo Gallego