Rodrigo Álvarez Gantes

Na Galipedia, a Wikipedia en galego.
Rodrigo Álvarez Gantes
Nacemento 1906
Lugar Ponteceso
Falecemento 23 de febreiro de 1937
Lugar Santiago de Compostela
Nacionalidade España
editar datos en Wikidata ]

Rodrigo Álvarez Gantes, nado en Ponteceso en 1906 e finado en Santiago de Compostela o 23 de febreiro de 1937, foi un mestre e político galego.

Traxectoria[editar | editar a fonte]

Fillo do garda civil Domingo Álvarez Fernández, natural do Navallo (provincia de Ourense), e de Carmen Gantes Palleiro, natural de San Cristovo. Trasladouse coa familia a Santiago de Compostela, onde estudou Maxisterio na Escola Normal.

Destinado na escola de pósito de pescadores de Escarabote, militante de Izquierda Republicana, foi concelleiro en Boiro logo do triunfo da Fronte Popular en febreiro de 1936. Co golpe de Estado do 18 de xullo de 1936 foi destituído o 21 de agosto e, posteriormente, detido co tamén mestre José Caballero Rubio. Foi fusilado o 23 de febreiro de 1937. Os seu irmán Enrique, que exercía como mestre en Carballo foi destituído o 17 de agosto de 1938, e a súa irmá Clarisa, mestra de Landeira (Negreira), foi suspendida de emprego e soldo por seis meses.

Véxase tamén[editar | editar a fonte]

Ligazóns externas[editar | editar a fonte]